(AP) – Polis na Paris a los tiro riba un muhe cu aparentemente a menasa cu splota su mes despues di aparentemente haci menasanan di morto y papia d en sosten di terorismo riba un trein dirigi na e capital Frances diamars.
Esaki ta marca e incidente di siguridad mas recien na Francia, cual ta riba alerta anti-terror aumenta despues di un stacamento fatal na un scol cu a tuma luga dia 13 di october riba un extremista Islamico.
Dos oficial di polis hunto a los 8 tiro, heridando e muhe en cuestion seriamente segun fiscalia di PAris a informa. El a keda hospitalisa pa ricibi tratamento di emergencia. Un investigacion a habri tocante e circunstancia exacto di e menasanan di e muhe aki cu aparentemente el a haci mientras a bordo di e trein RER C direccion Paris y testimonio di e testigonan lo ser reuni segun e fiscal a informa. El a bisa cu e muhe ta enfrentando acusacion formal di a haci menasa di morto, di defende terorismo y di comportamento di intimidacion dirigi na polis.
Otro investigacion di polis a habri tocante e losmento di tiro, sinembargo esaki ta un investigacion cu ta habri automaticamente na momento cu e polisnan haci uso di nan arma.
