Rights campaigner Silkie Carlo, left, demonstrates in front of a mobile police facial recognition facility outside a shopping centre in London Tuesday Feb. 11, 2020, “We don't accept this. This isn't what you do in a democracy," said Carlo, director of privacy campaign group Big Brother Watch. London police started using facial recognition surveillance cameras mounted on a blue police van on Tuesday to automatically scan for wanted people, as authorities adopt the controversial technology that has raised concerns about increased surveillance and erosion of privacy. (AP Photo/Kelvin Chan)

Polis na London a cuminsa usa camara di reconocemento di cara ayera pa automaticamente scan pa hendenan busca, mientras autoridadnan ta adopta e tecnologia cu a genera preocupacion riba aumento di vigilancia y erosion di privacidad.

Camaranan di vigilancia riba un van blauw di polis a monitor hende saliendo di un centro di shopping na Stratford, na oost London. Borchinan a adverti cu polis tabata uzando e tecnologia pa haya hende ‘busca pa crimennan serio’. Oficialnan tabata cerca, splicando peatonnan con e sistema ta traha.

Ta e prome biaha cu Servicio di Polis Metropolitano di London a usa camaranan di reconocemento di cara en bibo den un lansamento operacional desde cu a efectua un serie di test cu a termina aña pasa.

Polis di London ta uzando e tecnologia a pesar di advertencia di gruponan di derecho, legisladonan y expertonan independiente tocante un falta di precision y prehuicio den e sistema, y erosion di privacidad. Activistanan ta teme cu ta e comienso di expansion di vigilancia.

“Nos no ta acepta esaki. Esaki no ta democracia. No ta scan cara di hende cu camara. Esaki ta algo cu bo ta haci na China, no na Reino Uni”, segun Silkie Carlo, director di e grupo di campaña pa privacidad, Big Brother Watch. El a bisa cu Reino Uni tin un tradicion fuerte di sostene libertad civil y no permiti polis pa arbitrariamente stop y identifica hende, el a bisa. “E tecnologia aki ta deshaci di tur esey.”

Comandante di polis, Mark McEwan a hala un banda preocupacion cu e mashin no ta responsabel. Hasta si e computer scoge un persona entre un grupo, e decision final si lo investiga mas leu ta keda na man di un agente, el a bisa.

E sistema ta usa tecnologia di NEC na Hapon pa scan cara den gruponan di hende pa mira si nan ta match cualkier den e watchlist di 5mil cara crea specificamente pa e operacion ayera. Imagen di e watchlist ta principalmente di hende cu polis of corte ta busca pa crimen serio, manera intento di asesinato, segun McEwan.

Polis a bisa cu den test, e tecnologia a identifica corectamente 7 di 10 persona busca cu a pasa cerca di e camara, mientras e rango di eror tabata 1 di mil persona. Pero un revision independiente a haya cu apenas ocho di 42 match a verifica como corecto.