Un polis y ex militar cu no tabata trahando na e momentonan ey a tira y mata dos ladron na un botica na Brazil – tur esey mientras e tabata carga un baby den su brasa.
New York Post a reporta cu e suceso dramatico a tuma luga diasabra pasa parti atardi, ora cu sgt. Rafael Souza tabata den un botica na ciudad di Campo Limpo, Paulista Sao Paulo, cu su yiu chikito y su casa. Mientras cu su casa tabata pagando na caha, dos ladron a drenta y saca arma di candela mesora indicando cu nan ta bay atraca e luga. Un di e sospechosonan, Jefferson Alves, 24, a dirigi su arma di candela den direccion di Souza, kende a identifica su mes manera un polis, segun e reportahe.
Despues Souza, kende tabata tin su yiu homber den su brasa, a uza su otro man pa gara su arma di candela y tira Alves. Despues el a dirigi su atencion riba e di dos sospechoso, Italo Creato, 22. Henter e incidente a wordo capta riba camara di CCTV di e tienda.
Fuente: NEWS.AU
