Dialuna pasa di 12’or marduga polis maritimo a hayanan confronta cu un situacion na Citgo Blvd ora cu un taxista a core informanan cu un homber a horta su auto kia cerato blanco. Di biaha e oficialnan cu zwaailight y sirena a bay tras di e auto horta. E ladron a core drenta Madiki y a drenta un hanchi pa huy pero a dal den duro. El a topa cu un cashi di coriente di elmar y a pone cu e no por a sigui. E ladron a core baha for di e auto horta y cuminsa core na pia. polis a sali na careda su tras na pia. Pero e sospechoso a bula dilanti un auto y pa bula un cura di cas despues huy den e scuridad.
Polis a laga tuma e auto den beslag pa investigacion y otro patruya a tuma e denuncia for di e doño di e taxi. Polis a haya un tip cu lo tin un mitsubishi pajero ta coriendo sospechoso den e bisindario y polis maritimo a bin topa cu e auto scondi na Bushiri casnan di pueblo. A bay over na control e plachi number no tabata ni cuadra cu e auto. E dama spanta tabata cambia su storia y na final a admiti cu ta e ladron el a bay busca a detene di biaha pa complise. E auto a keda tuma den beslag, e polisnan maritimo no a laga e cuenta asina, a cuminsan busca manera pa localisa e sospechoso. Despues di rato e sospechoso R.Croes a entrega su mes na su cas y a keda deteni hiba warda.
