Autoridad a cuminsa tira den aire y uza otro metodo pa hala leu e miles di manifestante cu tin riba caya di Bagdad, mandando manifestante hoben core bay. Mas di 60 persona a wordo hospitalisa cu dificultad pa hala rosea, segun trahado di hospital.
E confrontacion a tuma luga mainta trempan despues cu demostracion anti-gubernamental a cuminsa. Protesta a cuminsa dia 1 di october pa motibo di corupcion, escasez trabou y falta di servicio basico.
E protestanan despues a extende na varios provincia sur cu mayoria di poblacion Shiita, y autoridadnan a impone un toque de queda y a shut down internet pa varios dia, den un esfuerso pa stop e disturbionan.
Despues di un siman di violencia na e capital y provincia sur di e pais, un investigacion designa pa gobierno tocante e protesta a determina cu forsa di siguridad a uza forsa excesivo, matando 149 persona y heridando mas di 3.000 persona. A recomenda e retiro di hefenan di siguridad na Bagdad. Ocho miembro di forsa di siguridad tambe a wordo asesina.
Manifestante a menasa pa hinca Iraq cu un ciclo nobo di instabilidad cu por bira mas peligroso cu a enfrenta e nacion marca pa conflicto, di apenas dos aña despues di e declara victoria di e grupo Estado Islamico.
Forsa di siguridad di Irak y trahado di gobierno a priminti di evita mas violencia mortal y a desplega riba e cayanan di Bagdad na prevision di protesta. E ronda actual di protesta ta respalda pa e Shiita nacionalista, Muqtada al-Sadr, kende tin un base popular di Shiita y e cantidad di asiento mas grandi den parlamento.
El a pidi retiro di gobierno y a suspende e participacion di su bloc den gobierno te ora cu presenta un programa di reforma. Sinembargo, milicia poderoso Shiita respalda pa Iran a sostene gobierno y a sugeri cu e manifestacion ta un conspiracion for di exterior.
Na cuminsamento di luna, manifestante a organisa protesta riba rednan social, pa cuminsa for di plasa central Tahrir. Manifestantenan, mayoria hoben, hende homber cu no tin trabou, ta bisti bandera di Irak y protesta, exigiendo trabou, awa, y electricidad.
