(NLTimes) – Den un carta na parlamento, polis Hulandes a pidi e gabinete demisionario pa compromete su mes na e evacuacion di polis femenino Afgano. “Nos no por traiciona nan confiansa den nos awo”, polis a skirbi, segun NU.nl ta reporta.
Entre 2007 y 2016, agentenan di polis Hulandes a duna training na nan coleganan Afgano como parti di e mision di Eurpol. Esaki a inclui train 4mil agente femenino Afgano, incluyendo 700 cu tabata traha den team lidiando cu derechonan humano. Y e muhenan aki ta esnan cu cual polis Hulandes ta preocupa en particular.
“Awo cu e Taliban a tuma poder na Afganistan, e agentenan femenino aki ta den peliger serio”, nan a skirbi. “Nan situacion ta hopi cerca di e curason di agentenan di polis Hulandes cu a participa den e mision.”
Polis a destaca cu e Taliban a haya acceso na tur data personal di agentenan di polis Afgano, incluyendo data biometrico y adres di cas. Esaki ta pone e agentenan femenino – e rol di ken Hulanda a sostene ‘cu gran compromiso’ den ultimo añanan – den un ‘posicion extremadamente preocupante’, e firmantenan di e carta a bisa.
Nan a pidi parlamento pa designa agentenan femenino Afgano como un ‘grupo sistematicamente persigui’ pa asina nan ta eligibel pa evacuacion hunto cu activistanan di derechonan humano y periodistanan, entre otro, basa riba e mocion di parlamentario di D66, Salima Belhaj.
