Tabata diamars mainta cu a bati alarma pa un caso di atraco arma na altura di Natural Bridge, na costa nort di nos isla. Polis a mobilisa varios patruya pa e area, no solamente pa atende cu e victima, sino tambe pa busca e sospechosonan. Mas despues, durante interogacion, e "victima" a admiti na Polis cu el a gaña y cu ningun hende a atrak'e. E asuntonan aki ta lamentabel pasobra Polis ta activa mesora, ta envolvi recherchenan di Atraco Team cu ta kita for di otro casonan pa bin investiga esun aki, anto pa despues resulta cu henter e denuncia tabata falso. Ta corda tur hende cu denuncia falso ta un delito castigabel pa ley.
