(NLTimes) – Polis na Hulanda a aresta un homber di 21 aña relaciona cu un investigacion Mericano cu ta alega abuso sexual generalisa di mucha y menasa di victimanan ey pa perpetua e abuso. Polis di districto di Rotterdam a aresta e homber na un cas na Spijkenisse, Zuid-Holland, dialuna, polis a bisa den un declaracion publico emiti dos dia despues.
E caso a ser describi manera un investigacion “na gran escala” dirigi pa autoridadnan Mericano. E ta encera “varios victima menor di edad” di un complot di extorsion, pero detayenan tocante e localidadnan di e victimanan ey no a ser publica. Polis tampoco no kier declara e cantidad di victimanan conoci, bisando cu ta posibel cu investigadonan tambe lo identifica mas victima.
E fechanan di e supuesto ofensanan no a ser divulga ainda. “Den bienestar di e investigacion y privacidad di e victimanan, no por duna mas detaye na e momentonan aki”, polis a bisa. Polis a defini ‘sextorsion’ como e uso di contenido sexual pa sigui chantahia un victima, hopi biaha pa placa, of potret y video mas sexualmente explicito.
E sospechoso lo ser presenta dilanti un hues comisario diahuebs. Durante e audiencia, e sospechoso por ser encarcela pa te cu 14 dia mientras e investigacion ta sigui. Despues di esey, huesnan na un corte di districto por opta pa encarcela e sospechoso pa periodonan sucesivo di detencion preventivo, cada un cu ta dura un maximo di 90 dia, si e ser acusa di un crimen domesticamente.
Condicionnan di e tratado di extradicion di Merca cu Hulanda ta pidi pa e pais cu ta pidi pa detencion di un sospechoso pa pidi extradicion formalmente dentro di 60 dia of core riesgo cu e sospechoso ey ta ser libera for di detencion. Generalmente, detencionnan provisional na nomber di otro pais no por dura mas cu 20 dia na Hulanda sin un peticion formal pa extradicion.
Extradicion tin cu ser aproba pa e minister di Husticia si e sospechoso ta duna su consentimento pa extradicion. Un sospechoso cu ta bringa contra extradicion lo ser treci prome dilanti di un corte di districto, y e decision ey por ser impugna na Corte Supremo. E minister di Husticia ainda tin cu aproba cumplimento cu un peticion di extradicion, y e decision ey por ser apela na Conseho di Estado.
Polis Hulandes a encurasha cualkier persona cu ta kere cu nan tabata victima di abuso sexual online, sextorsion, chantahe of intimidacion pa tuma contacto cu autoridadnan. Nan a bisa cu victimanan cu ta sinti berguensa no mester sinti como si fuera nan ta culpabel di un crimen. Hopi biaha e victimanan ta sinti como si fuera nan ta “nan so na mundo,” sufriendo di stress, y sin un manera pa caba cu un situacion continuo. “Si bo a bira victima, bo no ta bo so. Extorsion y intimidacion ta castigabel penalmente, semper divulga e incidentenan aki, y ta miho pa entrega un keho”.
“Ta miho pa tuma contacto cu polis mesora si ainda tin contacto cu e sospechoso,” polis a bisa den conseho na victimanan. Tambe ta importante pa warda mas tanto evidencia posibel, manera screenshot di imagen, menasa, y e nomber di e abusador, nomber di usuario y adres di email. “Bo a transferi placa? Despues laga e banco sa kico a pasa pa nan tambe por cuminsa un investigacion.”
