(AP) — Esnan bayendo fiesta of BBQ den cura di cas na New York City e weekend aki por tuma nota di un presente sin invitacion na nan festividad: un drone di vigilancia policial.
Departamento di polis di New York City tin plan pa nabega e aeronavenan sin tripulacion den respuesta na kehonan tocante reunionnan grandi, incluyendo eventonan priva, durante weekend di Labor Day, segun oficialnan a anuncia ayera.
E plan a ricibi critica inmediato di defensornan di privacidad y libertad civil, expresando pregunta tocante si uso asina di drone ta viola leynan existente pa vigilancia di polis.
E movida a keda anuncia durante un sesion informativo di seguridad enfoca riba J’ouvert, un festival anual Caribense marcando e fin di sclavitud cu ta atrae miles di persona y presencia pisa di polis riba caya di Brooklyn. Daughtry a bisa cu e dronenan lo responde na “yamadanan prioritario y sin prioridad” mas leu cu e ruta di e parada.
Alcalde Eric Adams, ex-capitan di polis, a bisa cu e kier pa mira polis acepta mas e potencial “sin fin” di drone, citando e uso di e tecnologia na Israel como un blueprint despues di a bishita e pais siman pasa.
Pero mientras e tecnologia ta prolifera, defensornan di privacidad ta bisa cu regulacionnan a keda atras, habriendo porta pa vigilancia intrusivo cu lo ta ilegal si un agente policial humano lo hacie.
Como 1,400 departamento di polis na Merca actualmente ta usando drone den algun forma, segun un rapport recien di American Civil Liberty Union. Bao reglanan federal, nan ta generalmente limita na bula dentro di bista di e operador, maske hopi departamento a solicita exencion. E rapport a pronostica cu e uso di drone tabata “cla pa explota” entre departamentonan di polis.
