This undated photo provided by the Reyna family shows Rafael Reyna in his hospital bed at Los Angeles County-USC Medical Center in Los Angeles, after his beating outside Dodger Stadium. Bryan Stow, a San Francisco Giants fan who was left disabled in an attack outside Dodger Stadium that drew national attention eight years ago, said he's dismayed that Los Angeles police are again investigating an assault at the baseball stadium that left a man seriously injured. Authorities searched Monday, April 1, 2019, for a man who punched Rafael Reyna during an argument following Friday night's game. Christel Reyna says her husband Rafael sustained a skull fracture and is on life support.(Courtesy Reyna Family via AP)

Investigadonan ta kere cu nan sa kico a causa un altercado na e parking lot di Dodger Stadium, cu a laga un fanatico di baseball cu su craneo fractura siman pasa, pero nan no ta revelando e motibo te ora nan localisa e otro dos persona envolvi pa asina sa nan banda di e storia, un oficial a bisa ayera.

E condicion di e homber herida, Rafael Reyna di 45 aña, a mehora e siman aki, pero investigadonan ainda no a logra entrevist’e, segun capitan Billy Hayes a bisa durante un conferencia di prensa.

Reyna a wordo ataca rond di 12.30am diasabra mientras e tabata saliendo di un wega entre e Dodgers y e Arizona Diamondbacks, cual a cuminsa diabierna anochi. Reyna tabata den un yamada di Facetime cu su casa Cristel e momento ey, pero e app no ta graba e video, Hayes a bisa.

Un testigo a duna descripcion parcial di un homber y un muhe kende ta kere tabata envolvi, pero no a duna hopi pa distingui nan for di e publico general – edad como 20 aña, Hispano, cu paña di Dodgers.

No tin video di e incidente, cual Hayes a indica a sucede rapidamente.

“Locual nos ta kere ta cu nan no tabata conoce otro; cu e incidente a cuminsa for di un otro incidente cual a sucede contemporaneo na e altercado den parking lot”, Hayes a bisa. E no a duna informacion con esaki a cuminsa.

“Mi sa con el a cuminsa, pero mi no ta dispuesto pa discuti esaki na e momento aki”, el a bisa. “Mi ta purbando di haya un recoleccion independiente, ya sea di testigo, of e individuonan aki, na luga di mancha esaki door di bisa algo den media.”

A bisa cu Reyna ta den un coma cu aparato pa sostene su bida despues di a sufri un fractura craneal. Hayes a bisa cu su condicion a mehora. “Te diamars nos a haya sa cu Reyna a wordo kita for di e ventilator y cu e ta halando rosea riba su mes y ta recuperando consciencia”, el a bisa.

Pero el a bisa cu e famia a contrata un abogado, kende a pidi pa cualkier pregunta tocante e investigacion of salud di Reyna pasa mediante e abogado. “Pues na e punto aki mi no ta sigur ki momento nos lo por entrevist’e, y manera boso por imagina, herida riba cabes por algun biaha ocasiona perdida di memoria”, e capitan a bisa.