(AP) – Empleadonan Chines explota na Italia pa un subcontratista sin autorisacion a produci tasnan y accesorionan pa e marca Giorgio Armani den un serie di abusonan di cadena di suministro cu e compania di produccion no a monitor apropiadamente.
E marca a nenga cu e operadornan di Giorgio Armani a haci algo malo, cual ta produci paña, accesorio y decoracion pa cas pa e marcanan di Giorgio Armani Group. “E companai semper tabatin control y medidanan di prevencion implementa pa minimalisa e abusonan den e cadena di suministro,” e declaracion di Armani a informa. “GA Operations lo colabora cu transparencia completo cu e curpanan competente pa por clarifica su posicion tocante esaki.
Segun e polis, GA Operations a contrata un subcontratista, cual den su turno a contrata un subcontratista Chines cu ta duna empleo bao mesa, algun di nan ken tabata na Italia ilegalmente. Aparntemente nan a ignora e regulacionnan di siguridad y salud ademas di e reglanan den goberna e oranan di labor, break y dianan liber.
Polis a bisa cu e ta parti di un sistema di ‘caporalato’, e intermediacion y explotacion ilegal di empleadonan cu hopi biaha ta asocia cu e sector di agricultura. 4 doño di fabrica Chines ta enfrenta un investigacion criminal separa pa nan rol. GA Operations, mientrastanto, no ta bao investigacion, pero a ser poni bao administracion hudicial cu hopi biaha ta asocia pa te un aña como parti di un procedura pa sigura operacion legal, segun Carabinieri LT. Col. Loris Baldassarre.
Un diagram lansa pa polis a indica cu e subcontratista Chines a ser paga 93 euro (100 dollar) pa un tas cu e marca ta bende pa alrededor di 1,800 euro (1950 dollar). E subcontratista autorisa, actuando como e persona meymey pero sin capacidad di produccion real, a ser paga 250 euro pa e mesun tas, hincando den su saco 175 euro pa cada tas segun polis.
Un video publica pa carabinieri a demostra un workshop unda ta fabricando productonan di cuero, cu 2 cama y 2 klechi den un oficina pega na esaki. Cambernan den un di dos piso cu trapinan cera cu heki, un set di cama di dos piso y otro cama yen di klechi y paña. Pochinan pa cushina tabata poni riba otro den un baño sushi banda di un wasbak kibra y un pochi cu awa den cual tabatin un sorto di pisca den dje, entre otro condicionnan barbaro.
E descubrimento aki ta parti di un investigacion mas amplio tocante e cadena di suministro operando den e provincianan di Milan y Bergamo, cual ta pone creador di tas y accesorio Alviero Martini Spa bao administracion hudiciario den januari, Baldassarre a comenta.
