Hues awe mainta a declara e polis Jadira Vriend culpabel di core mata e hoben Zinnia Croes (12) tres aña pasa
Aunke hues no ta haya prueba cu e polis tabata bou influencia di alcohol, el a sigui e exigencia di Ministerio Publico pa su castigo: 240 ora di castigo alternativa (taakstraf)y un curso obligatorio pa core bou influencia y dos aña prohibi di core auto (keda sin rijbewijs).
E polis no tabata presente den e sala di corte awe mainta, locual hues a lamenta. Mayornan y otro famia si presenta. E mama Michella Croes a reaccion depues e sentencia unda e tambe ta bisa cu ta lamenta cu e polis no a bin scucha e veredicto. E tambe ta bisa cu nan ta consciente cu nan yiu no ta bin bek pero cu Jandira si mester keda biba cu su consenshi cu el haci fout. Y cu e veredicto ta mustra cla cu Zinnia mes no a haci algo robes locual a wordo sugeri como cu e mucha mes no a paga tino riba caya.
E tata Gilbert Croes ta keda culpa cuerpo policial pa e mal investigacion haci pasobra normalmente casonan asina lo resulta den un castigo di prizon, segun e. E erornan cometi ta entre otro e prueba pa mustra cu e polis a bebe ora e tabata tras di stuur riba e dia fatal ey.
