Update den e caso di ‘Yellow’: busca pa autoridad como sospechoso principal di a los tiro na Olde Molen ta, cu ainda no a haya e persona aki. Desde dialuna e ta wordo busca y a haci diferente entrada hudicial sin resultado. Diamars den oranan laat di anochi, polis su team di aresto a detene un persona cu caracteristicanan di ‘Yellow’, pero a dune su libertad bek asina cu a confirma cu nan no tin e persona corecto, tabata trata di R.G. conoci como DJ Whiteboy.
Luz negativo
Mirando tur atencion cu Olde Molen ta hayando, maneho di The Mill Resort & Suites a manda un comunicado unda cu publicamente kier a clarifica nan posicion den e situacion como nan ta sinti cu e luz negativo cu tin riba Olde Molen ta afecta nan tambe. Nan a enfatisa cu “De Olde Molen nightclub” no tin ningun relacion of negoshi cu The Mill Resort & Suites.
Nan ta splica poniendo enfaisis cu Olde Mole ta opera bou di un restaurant separa cu permiso di alchol aproba mas di 40 aña pasa na De Olde Molen N.V. E compania aki no ta asocia y y ta separa di e entidad di The Mill resort & Suites. E comunicado a sigui extendiendo palabranan di condolencia pa famia y amistad di esunnan afecta pa e incidente cu a ocuri dia 7 di december 2015. Y tambe nan a bisa di ta spera cu autoridad haci algo pronto den e situacion aki, cu ta esun di mas ultimo di un serie di problema cu e hotel, huesped, empleadonan y contractantenan ta deal cun’e a base semanal pa e ultimo añanan cu e bar ta den operacion. E bar ta creando un inconveniencia innecesario pa e resort y guest y ta daña e bon nomber y reputacion di no solamente e hotel, sino Aruba como un luga sigur pa vacaciona, el conclui.
