Pa medio di un comunicado, Ministerio Publico ta informa cu sospechoso E.R.B. – acusa di a viola un persona riba 10 di november 2016 – lo presenta na Corte di Prome Instancia diabierna mainta 10 februari pa trata e caso den pro forma. E violencia a encera cu sospechoso E.R.B na uniform di polis, a (entre otro) duna e persona ordo pa mustra su paspoort y pa subi den auto di polis. Segun informacion di Ministerio Publico, B. a bisa e persona cu e ta bay hib’e cera, a hib’e na un lugar leu, a bis’e varios biaha cu e ta un polis y cu e tin un arma. Segun Ministerio Publico el a haci uzo di e desigualdad di poder cu a surgi como resultado di e situacion.
E ta wordo acusa di, den su posicion di ambtenaar y polis, a malversa obhetonan, esta, un chin-up y dos klop, den e periodo di prome di januari 2009 te 16 di november 2016. E ta wordo acusa di ilegalmente haci doño di 60 bala y un cachiporra.
