.JPG "Dama hinca (1).JPG")
SAN NICOLAS – Polis a haya e baby di e mama hinca sano na cas. E homber cu a hinca e victima a bandona e sitio cu e baby di 1 luna.
Autoridadnan a haya e dama benta den un plas di sanger diasabra benta riba caminda. Polis a tuma tur informacion di e dama, kende a informa nan kende ta e homber cu a hinc’e, prome cu personal di ambulance a transport’e pa hospital pa e ricibi tratamento medico.
Di biaha autoridadnan a notifica fiscal p’e duna un ordo di buskeda y aresto di e sospechoso.
A cuminsa un buskeda na un cas na Sero Preto, pero pa ora polis a yega na e cas en cuestion, ya e sospechoso a bay djey.
No a dura mucho cu autoridadnan a detene e sospechoso, kende no tabatin e baby cu ne mas. Polis a bay na cas di e sospechoso y aki a haya e baby sano y salvo drumi den su box.
.JPG&description=Polis+a+haya+baby+di+mama+hinca){kind=link}