Relaciona cu un investigacion grandi andando di algun tempo caba, diabierna anochi a forma un ekipo encabesa pa Hues Comisario, Fiscal y Polisnan di varios departamento pa haci dos huiszoeking. Por bisa cu ambos a duna bon resultado, den sentido di e sospechosonan deteni, droga cu a kita for di riba caya y arma di candela cu tambe ta den beslag.
Tabata diabierna pa 7:40pm cu Recherchenan di Noord a detene e sospechosonan G.A.E, E.J.M.H, J.M.H y J.D. de C, acusa di lo a viola articulonan 2, 3 y 4 di nos ley di droga. A efectua e detencionnan aki haciendouzo di Team di Aresto cu a drenta e cas SaliñaCerca # 57.
Den dicho cas e defensornan di ley a topa cu un cantidad considerabel di droga, den e caso aki cocaina y marihuana.
Asina cu a caba di transporta e 4 sospechosonan ey pa Warda di Polis, a sigui pa un otro cas, SaliñaCerca # 8-A enbusca di e sospechoso G.N.A.J “Gerito” Eckmeyer, pero no a topa cune. Sea e no tabatey na e cas mes of el a huy ora Polis a yega. Ta bon pa menciona cu durante e “Huiszoeking” den su cas a haya no menos cu 3 arma di candela.
Pa cera e anochi den gran forma, segun Polis nan tabata kedando cla cu e investigacion na e cas, den vecindario, na J.J. Snack a topa cu e sospechoso J.C.F.K., kende tin orden di detencion riba dje relaciona cu sospecho di lo a viola ley di arma. A detene mesora y hib’e Warda di Polis. A probecha cu a detene pa bay su cas tambe pa un “huiszoeking” pero no a haya nada particular, den e caso aki arma di candela.
Na final Cuerpo Policial ta pidicooperacion di comunidad, specialmentehabitantenan di Noord, cu si miraGerito Eckmeyer, pa yama 100 mesora. Ta consider’e un sospechoso peligroso, e por ta arma, pues djis yama Polis pa nan mes atende cune.
Cu e 5 detencionnan di diabierna anochi, Cuerpo Policial Aruba ta sigui score den sentido cu a percura pa menos criminal riba caya, menos droga y menos arma di candela tambe. Claro cu e proceso pa yega na un “huiszoeking” y detencion di e sospechosonan no ta sosode facil ni lihe y ta enceracooperacion y supervision di otro instancianan tambe, den henter e cadena hudicial.
