Ayera den oranan di mainta, poco prome cu 12or di merdia, Cuerpo Policial di Aruba a detene e chauffeur cu a ocasiona e accidente fatal na Pos Chikito dia 2 di december cu a cobra bida di e homber Ramon Rudolfo Croes, naci na Aruba ariba dia 28 juni 1958 di 66 aña di edad.
Ta trata di e homber S.R.J.T. naci na Aruba di 24 aña.
Dialuna 2 di december Aruba a conoce su di 11 morto den trafico. Un accidente cu a shock comunidad ya cu tabata trata di un segundo accidente fatal na unda chauffeur a huy for di e sitio lagando un persona morto riba caminda.
Segun informacion tocante e caso, un auto biniendo di playa direccion San Nicolas a dal un homber tire otro banda di caminda y a sigui core bay lagando e homber atras. Dos otro auto a pasa riba e caretera, pensando cu ta trata di sushi benta riba caya y ambos sin mal intencion, un a pasa completamente riba e curpa y e otro a pasa parcialmente riba e cabes prome cu a para na banda. Despues di esaki a resulta cu tabata trata di un persona benta banda di caminda y morto.
