E pobresa na Curaçao ta asina grave cu Cruz Cora riba e isla ta tema hortamento mientras c e ta distribui ayudo di emergencia. E organisacion ya a ser invadi pa personanan cu hamber.
Pa garantisa e seguridad di nan empleadonan Cruz Cora ta utilisa un caravan di automobile pa distribui paketenan di cuminda entre diferente puntonan di distribuicion desde na unda ta entrega rond di e isla.
E cantidad di personanan cu ta biba di pobresa a aumenta drasticamente desde e comienso di e crisis di corona. Miles di persona no tin trabou, placa of cuminda. E desesperacion por ser sinti realmente den e barionan mas pober, segun e trahadonan humanitario.
“Durante e ultimo simannan nos a scucha di diferente organisacion cu ta contribuyendo paketenan di cuminsa, cu nan a ser invadi pa personanan cu hamber”, Charles Sintjacoba, lider hubenil di Cruz Cora na Curaçao a bisa. . Maisy Scharbay gerente di e sucursal di Cruz Cora na Curaçao a confirma esaki.
“ Ora nos cuminsa paketa e paketenan di cuminda, regularmente nos ta ricibi personanan cu hamber na portanan di Cruz Cora, pidiendo cuminda. Pa protege nos boluntarionan nos ta bay na e mesun luga cu varios vehiculo y mas lihe posible cu nos ta empaketa y cla.
E fundacion Funditut ta compronde e nivel di desesperacion bou di e habitantenan di curacao. E organisacion ta yuda hobennan vulnerable cu tabata den prison pa practica den sociedad. “ NOrmalmente e muchanan ta traha pa nos y ta ricibi un remuneracion, pero desde cu ovid-19 e muchanan tan a cas sin entrada”, Reno Martha, e lider di e proyecto Funditut a bisa.
Cada siman ta entrega paketenan di cuminsa na e fundacion pa muchanan y nan famia. “ Sin e paketenan di cuminda e muchanan no lo tin cuminda durante e ultimo dos lunanan aki. Nan lo muri di hamber of lo mester horta cuminda. Pa e motibo aki nos ta extremadamente agradecido cu nos por obtene e paketenan aki di cuida”, Martha a bisa. Supervision y distribuicion di ayudo di emergencia. E representacion di Hulanda na Willemstad ta asegura cu e fondonan di Hulanda ta yega na e organisacionnan adecua na curasha. Sinembargo, bos no sa si lo dividi e fondonan entre e islanan, cu no a bay acorda den porcentahenan di antemano.
“ Esaki ta cu cuestion di necesidad”, Erwin Arkenbout, Representante di Hulanda na Aruba, Curaçao y Sint Maarten a bisa. “ Nos ta sigui e sugerencianan di Cruz Cora. Ta probabel cu e division sea proporcional di e tamaño di e isla, pero si e necesidad ta mayor na Aruba, por ehemplo lo destina mas fondo”.
Pa e momento, e ayudo di emergencia lo dura te cu augustus. Si despues di esaki ainda tin mester di ayudo di emergencia, lo contact Hulanda pa wak si lo extende e periodo.
