Pobresa a aumenta di 168 miyon di hende pa 175 miyon n Latino America, Alicia Bárcena, secretaria ehecutivo di comision economico pa Latino America y Caribe (Cepal) a divulga.
Pobresa a pasa di 28,2 % pa 29,2 %, kiermen un punto di porcentahe, ehecutivo di CEPAL a bisa. Asina mes a informa cu e cantidad di choller riba caya a aumenta di 70 miyon pa 75 miyon. “Mester tin nos wowo den tur logro cu nos region haya relaciona cu pobresa, pasobra mester manten’e y nos por logra mas, si nos por protege e presupuesto destina na gasto social”, Barcena a bisa. Durante un presentacion di Panorama economico y social di America Latino y Caribe 2017” Barcena a papia tocante desempleo, cu a aumenta na Sur America.
“Hende cu ta ricibi un salario a cay cu un 0.2% y esun cu ta traha pa su propio cuenta a aumenta cu 2.7%, Barcena a splica. “E salario real a aumenta cu 1%, pero no ta cuadra cu porcentahe di inflacion”, a bisa.
Crecemento leve
Di otro banda, Barcena a informa cu economia na region lo tin un aumento leve di 1.3%, cu ta apoya pa e dinamismo di economia di Republica Dominicana, Panama y San Cristobal y Nieves. El a bisa cu e proceso di integracion na momento aki, ta hopi importante y a propone e pais El Salvador, cu a haya presidencia temporal di CELAC, pa un reunion cu obhetivo di analisa e impacto cu tur accion di Trump por trece pa Latino America y Caribe. Barcena a papia tocante preocupacion di Cepal pa temanan manera cambio di clima, comercio, desigualdad social, como tambe e mecanismo pa evadi y aludi impuesto cu ta riba 6, 7% di producto interno bruto total. CELAC ta representa pa tur pais di America cu excepcion di Merca y Canada.
