(NLTimes)—E poblacion di Hulanda a crece pa aproximadamente 140,000 habitante aña pasa, tumando un total di mas cu 17.9 miyon residente, segun e cifranan preliminar for di CBS Hulandes. E crecemento di e poblacion a cay pa mas cu 36% compara cu na 2022, unda tabata un aumento netto di 221,000 habitante.
Tabatin mas morto registra den e ultimo aña compara cu nacemento, cual ta nifica cu e crecemento di poblacion tabata debi na inmigracion aña pasa. Asina mes, menos inmigrante a yega Hulanda aña pasa, y emigracion pa hendenan no-Hulandes a aumenta pa casi tur nacemento of paisnan di origen.
Un aproximacion di 165,000 mucha a nace na 2023, cual ta 3,000 menos cu na 2022. “E grado di fertilidad na Hulandes a cuminsa cay desde 2010 y pa 2023 a yega na un averahe di 1.43 mucha pa cada hende muhe. Esey ta un tiki mas abao compara cu na añanan 1980, ora e grado di fertilidad a yega un punto hopi abao,” e oficina estadistica a skirbi.
Aproximadamente 169,000 morto a ser reporta, un cifra cual tabata comparabel cu 2022. Mortalidad excesivo a reduci, pero e grado di mortalidad tabata relativamente halto ainda. Esaki ta nifica cu e poblacion a cay pa mas cu 4,000 ora a calcula e grado di nacemento natural, sin factorisando den inmigracion.
Ademas, aproximadamente 9,500 hende Hulandes a sali for di Hulanda aña pasa. Un aña prome, 10,500 a emigra pa otro pais. E poblacion a aumenta pa casi 34,800 hende for di otro pais Europeo cu no tabata parti di e Union Sovietico. Aumentonan netto a crece cu 58,100 pa hende for di paisnan den Asia, y 14,200 hende for di Africa, y 15,900 for di un pais localisa sea den e Americas of Oceania.
