(NLTimes) – E edad medio mundialmente ta na 31 aña di edad. Sinembargo na Hulanda, esaki ta cay algun caminda den e 40.
E poblacion Hulandes cu ta drentando edad avansa lo tin un impacto riba e economia y mercado di labor pa e añanan binidero. Segun NOS, esaki por ser mira den mayoria di e casonan di 3 pais unda cu ta enfrenta un situacion similar cu etapanan mas avansa di e crisis manera Spaña, Italia y Hapon.
E paisnan aki tin un edad medio cu ta hasta mas halto cu esun di Hulanda. Tambe nan ta continua cu averahenan abao di nacemento, cual ta algo sumamente importante pa e prosperidad di un pais. Sinembargo otro obstaculonan ta preveni hende di tin mas yiu. Na Italia por ehempel, e no ta facil pa muhenan haya un trabao flexibel cu ta haci posibel pa tin yiu, cual ta nifica cu hopi biaha nan ta warda te mas despues den nan bida pa haya yiu segun NOS.
“Si un pareha no haya yiu te ora cu nan tin mas di 30 aña di edad, e chens ta mas chikito cu nan lo haya 2 of mas yiu,” Elena Ambrosetti a conta NOS.
E sistema di pension tambe ta den peliger, cu un falta di personanan hoben den e mercado di labor. Na Hulanda, e edad di pension a ser aumenta cu 3 luna den aña 2022, aunke e no lo aumenta di e edad actual pa algun aña mas. Hapon su dilema actual por ilustra Hulanda su futuro.
