(NLTimes) – E poblacion di Hulanda lo sigui crece pa e siguiente 50 añanan, mas tanto pa causa di inmigracion y un bida mas largo. Pa aña 2070, Hulanda lo tin un poblacion di 20.7 segun Statistics Netherland (CBS) a reporta den su prediccion pa cu e poblacion 2022-2070. Pa aña 2040, un kwart di e poblacion lo tin 65 aña y mas. E cantidad di mas di 80 aña lo bira dobbel den e proximo 20 aña.
E oficina di estadistica ta premira cu e poblacion su crecemento lo yega 227,000 e aña aki. Esaki ta 111,000 mas compara cu den aña 2021. E poblacion Hulandes lo crusa e marca di 18 miyon den 2024 y 19 miyon den aña 2034 segun loke CBS ta premira.
“E poblacion ta premira di crece relativamente lihe den e añanan recien, sinembargo e averahe di crecemento lo baha despues di esaki,” CBS a bisa. Segun e prediccion actual, Hulanda lo yega 20 miyon persona den 2056.
Durante e añanan anteior, e poblacion Hulandes mas tanto a crece pa medio di migracion di stranhero, y esaki probablemente lo permanece e caso segun loke CBS ta premira. Otro factor significante ta e poblacion cu ta birando mas bieu. Cada biaha e poblacion ta bibando pa mas y mas tempo, causando cu e calculacion di crecemento natural –e cantidad di muchanan naci menos e personanan cu a muri- ta birando positivo. Esaki ta specialmente e caso den e añanan binidro mirando cu varios persona di edad avansa a fayece durante e pandemia y pa motibo aki CBS ta premira cu e cantidad di mortonan lo ta menos den e añanan binidero. For di aña 2025, e cantidad di morto lo probablemente aumenta.
E cantidad di residentenan Hulandes cu mas di 65 aña di edad lo aumenta for di 20 porciento na fin di 2022 te na 25 porciento rond di 2040.
