E lider interino di Sur Korea a priminti riba dialuna pa mustra cu cosnan ta normal back despues cu parlamento a retira presidente conservador Yoon Suk Yeol, mientras rivalnan di partido ta pleita tocante e nombramento di magistradonan di corte cu ta dicidi si Yoon lo ser kita of reinstala.
E parlamento controla pa e oposicion liberal a vota pa retira Yoon diasabra pasa, despues di su ley marcial di 3 di december cu no a dura mucho, suspendiendo su poder presidencial te ora cu Corte Constitucional dicidi si e por keda den su oficina. Si Yoon ser skita, mester tene un eleccion nacional pa scoge su sustituto dentro di dos luna.
Prome minister Han Duck-soo, cu a bira lider interino, a tuma pasonan pa duna siguransa na Merca y otro paisnan y pa stabilisa e mercado. Durante un reunion di Conseho di Gabinete dialuna, Han a bisa cu e lo “continuamente haci mi esfuerso pa informa sociedad internacional cu Republica di Sur Korea lo regresa rapido na stabilidad y mantene confianza cu su socio.”
Pero e conflicto politico ta parce leu di caba, ya cu partido rivalnan a cuminsa pleita si mester yena e tres asiento bashi den Corte Constitucional.
Pleito riba nombramento ta mustra division grandi
Partido Democratico a rechasa e argumento di Kweon rapidamente como “absurdo y sin sentido” y a pidi cu PPP continua cu un acuerdo di november entre e partidonan pa nomina e tres magistrado di Corte Constitucional.
Lider politico y vocero di partido, Jo Seoung-lae, a bisa cu PPP a “revela claramente nan intencion pa obstrui e huicio constitucional.”
No tabatin reaccion inmediato for di Han, cu durante e reunion di Gabinete a enfatisa cu gobierno lo traha hunto cu partido di gobierno y oposicion pa stabilisa e economia.
No tin un definicion cla di loke un presidente interino por y no por haci tocante e nombramento di magistradonan. Pero algun expertonan ta bisa cu Han ta permiti di nombra e tres magistradonan cu a ser nomina pa parlamento, pasobra no tin provision legal cu ta preveni esaki.
Kim Jung-won, secretario general di Corte Constitucional, a conta parlamento dialuna cu e corte ta kere cu e presidente interino por usa su derecho pa nombra magistradonan.
Partido Democratico ta acusa PPP di purba prolonga e huicio di renuncia den Corte Constitucional, cu tin te 180 dia pa dicidi e destino di Yoon.
Tempo ta un asunto crucial pa e lider di Partido Democratico, Lee Jae-myung, ken ta un figura faborito pa gana e eleccion presidencial si Yoon ser kita, pero e ta enfrenta su propio problema legal. Lee por ser prohibi pa core pa presidente si Corte di Apelacion y Corte Supremo confirma su condena di ley electoral di november.
