LOS ANGELES – E famoso revista conoci pa ilustra imagennan di muhenan completamente sunu a dicidi di bay stop cu esaki. E ‘founder’ Hugh Hefner a bay di acuerdo cu e decision aki haci pa Playboy chief content Cory Jones. Comentando cu e ta e miho cos aworaki pa e revista, considerando tur e competencia cu tin awendia y tambe acceso na internet pa porn. Nan lo sigi ilustra modelo nan provocativo bisti pero no completamente sunu. E revista Playboy a yega hopi lew fe e prome dia cu na a lansa den 1953, ora cu Marylin Monroe a aparece riba e prome cover. E circulation di e revista ta na 800,000 compara cu e 5.6 miyon cu e tabata tin den 1975.
