Durante e siman aki a pone algun drempel riba caminda entre Malmok y entrada pa Arashi. Cu esaki lo contribui positivamente na baha velocidad di vehiculo riba e caminda aki, loke sigur lo contribui tambe na seguridad di ciclistanan, cu mas di un vez sa mira auto pasa cerca di nan cu velocidad masha halto mes. Tambe sa sucede cu nan mester hala un banda pa laga auto cu ta pasa otro cu velocidad halto pasa. Esaki awor lo a yega na un fin. Cu e acera nobo pa e peatonnan den e area aki, por bisa cu tin mas seguridad pa ambos categoria cu ta usa e area pa recreacion.
Sin embargo, mester observa cu e caminda mes ta bastante kibra y sigur den caso si bin un siguiente siman o simannan cu yobida fuerte, e capa di asfalt lo mester un reparacion urgente, manera por mira riba e potret acompañante.
