Diaranson ultimo dia 25 di April, P.N.H.S.A. a tene un encuentro valioso cu comunidad. 30 participante di comunidad Arubano a scucha con y kico e inicio di P.N.H.S.A ta, kico P.N.H.S.A tin como metanan y vision y ken ta nan grupo di enfoke.
Tambe P.N.H.S.A a duna splicacion amplio ki ta su structura:
Directiva di P.N.H.S.A ta constisti di Sirelda Jackson (presidente), Shirley Caine (tesorero v vice-presidente), Marlien Dokman (secretario) y Sonny Richardson miembro di directiva. Tin tres organisashon no- gobernamental (NGO) y tres individuo ta participa.
P.N.H.S.A a splica di actividadnan y evenementonan cu a tuma lugar den transcurso di un aña y mei, con ta para cu e situacion di aplicacion pa proyectonan di iniciativa social, proyectonan pa y cu gobierno di Aruba y conmemoracion.
Tambe P.N.H.S.A a divulga tocante nan plan di accion y e puntonan di bista cu diferente stakeholder (entre otro gobierno Hulandes, BZK y gobierno Arubano anterior) ta tuma encuanto e tematica di sclavitud y fondonan disponibel.
Tabatin interaccion ameno y interactivo entre esnan presente cu directiva di P.N.H.S.A. cu pregunta, sugerencia y idea.
P.N.H.S.A kier gradici tur dushi hende cu a presencia y participa den es encuentro aki. Nos tin aprecio enorme pa tur boso input, recomendacion y sugerencia. Particularmente ta un honor cu un descendiente di Virgina Demetricia a comparti su raíznan cu nos y ta Virginia Dementricia, naci riba un plantacion Arubano, ta representa resistencia, curashi y resiliencia contra sclavitud na Aruba. Esaki ta un inspiracion pa nos.
Tambe P.N.H.S.A kier expresa aprecio pa Vicky Arens-Tjon A Tjoe, directora di Cas di Cultura pa su colaboracion pa por tene nos encuentro den nan estimado locacion.
