Diabierna merdia e grupo PITA (Plataforma IntervencionTrempan Aruba) a tene un conferencia di prensa na unda a presenta un proyecto piloto di intervencion trempan pa muchanan cu necesidadnan special. Sra. Carolina Thiel-Span, Srta. Anouk Croes conhuntamente cu Dr. Mike Abel di University of Missouri Kansas, a splica, mas den detaye kico e proyecto piloto aki y kico e meta di esaki ta.

Sra. Carolina Thiel-Span, directora di Fundacion Autismo y beleidsmedewerker den gobierno pa e proyecto aki a splica cu e grupo PITA a traha riba plannan den termino corto y largo pa tuma responsabilidad pa e proyecto aki bay dilanti y pa e muchanan cu necesdiad por haya e atencion special cu nan merece.

E plataforma PITA tin diferente proyectonan ariba mesa pa diversifica y promove inclusion den comunidad di Aruba. Sra. Thiel-Span ta splica cu un parti grandi di e proyecto piloto ta biniendo awor aki november y pa otro aña el anuncia cu PITA ta trahando ariba un actividad grandi nacional pa traha ariba concientisacion pa locual ta intervencion trempan y inclusion.

Mi ta hopi contento pa wak cu tur hende ta on board y cu tur hende tin un interes pa traha pa cu esaki y sigur no ta solamente e plataforma tin cu traha duro ariba esaki pero full nos comunidad tin cu apoya e proyectonan aki y ta open pa wak con leu nos por yega comocomunidad si nos ta scoge pa diversifica y tambe tin inclusion”, el a bisa.

Srta. Anouk Eman,lider di e proyecto piloto intervencion trempan pa muchanan cu necesidad special, a elabora mas ariba e parti di e proyecto cu lo tuma luga den luna di november. El a scplia cu nan lo cuminsa cu e parti di screening den e centronan di cuidona Aruba. Nan lo cuminsa cu un grupo piloto di 30 mucha cu lo participa den e parti aki di e proyecto. E grupo di muchanan a wordo escogi via un lista di CVS unda cu na momento cu nan a haci e nulmetting aña pasa, e lista a indica cu a ta e centronan di cuido cu ta ofrece servicio na muchanan cu necesidad special.

Srta. Eman a indica tambe cu su persona, Sra. Thiel-Span y hunto cu 3 persona di Fundacion pa nos Muchanan lo ricibi training den e parti di screening, “Milestones Matters” for di Dr. Kelly, un specialista den e parti di screening di Merca. El a splica cu e training di screening ta completamente diferente di un assessment. E screening aki e mayornan mes ta bay ricibi e training aki pa nan mes por screen e muchanan na cas. E no ta obligatorio esaki ta echt pa e mayornan y centro nan di cuido cu kier forma parti di e proyecto aki.

Na momento cu e grupo PITA ricibie resultadonan di e screening cu ta e “Milstones Matter” screening, eseylo indica unda tin un retraso potencial den un mucha. Srta. Eman a sigui splica cu despues cu nan ricibi e resultadonan, su persona y hunto cu Sra. Thiel-Span lo ricibi un otro training for di Dr. Kelly tambe, den e dos assesment, unda cu nan ta bay mas profundo pa wak kico di berdad ta e preocupacionnan cu nan a wak den e screening di “Milestones Matter”.

“Nos ta looking forward pa fin di luna cu nos por cuminsa screen e muchanan y sikiera asina haya un bista ariba e muchanan cu semper pa hopi aña caba no tabata atencion cu porfin ta bay haya e atencion”, el a bisa.

Dr. Mike Abel, Associate Director of the University of Missouri Kansas City’s Institute of Human Development y lider di e proyecto pa e studio aki specific a expresa cu ta un privilegio pa e bin Aruba y traha cu e stakeholders aki. “Nan tin un grupo di persona hopi remarkable y nos ta disfruta e estudio di intervencion trempan”, el a bisa.

Dr. Abel a reuni cu stakeholdersnan clave na e isla den e parti di intervencion pa revisa y discuti ariba un nivel mas profundo kico ta e capacidad di e isla pa cubri e necesidadnan di e famianan y pa compronde ariba un nivel mas profundo kico ta e necesidadnan, con nan por coordina un sistema y coordina tambe agencianan cu por traha y colabora cu otro pa introduci un sistema di intervencion trempan na e isla.

El a splica cu mayoria hende sa cu muchanan chikito tin hopi necesidadnan, specialmente muchanan cu tin deshabilidad di desaroyo, ambos deshabilidad intellectual como tambe deshabilidad fisico y otro tipo di problemanan relaciona cu salud, y el a enfatisa cu ta importante pa e problemanan aki wordo remarca ya sina yuda e pais compronde e balor di e muchanan aki y contribucion cu nan ta haci na comunidad.

E ta un priviligeio a mi por traha conhuntamente cu Aruba pa explora e posibilidadnan ey y pensa hopi ariba traha un sistema cu lo traha efecctivamente na e pais aki. Mi ta aplaudi e esfuerso di e grupo PITA cu ta trahando di ligentemente pa pensa ariba e problemanan ey explora e posibilidadnan di con por haci e sistema traha mas efectivamente”, e la expresa.

Dr. Abel a elabora cu e plan cu e proyecto aki ta pa train tur e maestro y maestranan di e centronan di cuido pa muchana Aruba cu e herment bascico di screening, cu no ta un instrument sofistica y mayoria persona por siña con pa usa e instrument aki pa tur mucha.

El a remarca cu e Departamento di Salud Publico aki na Aruba ta haci un hopi bon trabou cu muchanan di 0 pa 18 luna, y nan ta haciendo un bon trabou cu e evaluacion di tur mucha, pero e la indica cu e servicionan ta caba mayoria di biaha ora e mucha tin 18 luna, dus esaki ta nifica cu tin un buraco di 18 luna te cu 4 aña.

Si e mucha no wordo diagnostica cu deshabilidad di desaroyo prome cu 18 luna, e ta improbable cu nan lo haya sa si esey ta e caso te ora cu nan bay scol y eynan e mucha ya ta perde dos aña completo di intervencion cu por yuda e muchanan”, el a splica.

Tambe tabata presente na e conferencia di presna Sra. Terry Gumbs ken ta duna su aporte na e grupo PITA como un mayor cu experiencia cu un mucha cu Down Syndrome.

Mi ta hopi contento cu un grupo asina a wordo instala cu mayornan ta participa tambe y mayornan tin un decir den e plataforma kinan paso na final di dia ta e mayornan ta 24/7 cu e mucha y nan tambe tin hopi experiencia cu nan por trece na e grupo y cu nan por sinta cu e profesionalnan tambe cu nos por forma un forsa pa nos por yuda e muchanan cu necesidad special y cu tin deshabilidad”, el a bisa.

Inclusion ta un punto di prioridad tambe pa grupo PITA, y Sra, Gumbs a splica cu den su experencia cu inclusion, como mayor, e la bisa e no sa kico ta no,no tin ni un scol ni un plataforma cu por nengami yiu pasobra e ta para recto pa mi yiu.

El a bisa cu e momento a yega cu mayornan no ta bay keda keto mas y lo bringa pa e derecho di nan yiu cu necesidadnan special y pa nan por tey tur caminda den sociedad di Aruba. “Nos no ta bay ta pasivo tampoco den e lucha kinan, nos lo para pa e derecho pa nos muchanan pa tin inclusion den tur ramo”, el a bisa.

Sra. Thiel-Spantambe a agrega cu awor aki ora cu papia di inclusion nan ta privilegionan cu un compania ta duna, un scol ta duna, un organisacion ta duna, na e muchanan of adultonan aki mas no cu e ta un derecho. E ora nos ta papia di cambionan den ley cu un mayor no mester bringa, pero cu e ta un derecho, el a bisa,