Sophia Petrocchi a gana plata den e categoria judo 52 kilo.
Segun Comite Olimpico Arubano e atleta hoben a inicia su peleanan prome contra di Panama unda e la gana esaki riba punto. Den e di dos buelta, el a haya un bye pa despues enfrenta e contrincante di cas, esta Chile. Mester bisa cu aki e atleta Chileno ta bay ariba 1 – 0 den punto, pero Sophia ta bini bon bek y finalisa e pelea cu un ippon cual ta e punto ganado, segun e comite. Asina Sophia a pasa pa e gran final contra di e fuerte contrincante di Brazil.
Den e final cu a bay ta e golden point(esun score prome ta gana)Sophia y e atleta di Brazil no kier a entrega e pelea. “Na ultimo e atleta di Brazil ta anota e punto ganado cu un wazari cual hopi a cuestiona e momento ey mirando cu Sophia a mishi cu su elleboog prome riba e mat y despues cay den banda di su lomba”, segun e comite olimpico su relato. Pero e no a wordo honra y e punto di oro a bay pa Brazil, lagando Sophia cu e medaya di Plata.
“No obstante di e segundo luga, e delegacion completo a celebra e medaya di Plata di e atleta Petrocchi na grandi. Un berdadero hazaña mirando cu Sophia a laga atras Chile, Venezuela y Ecuador sin conta lo demas cu tambe a competi den su categoria.”
