E malcontento di gabinete Eman riba e nombracion di Alfonso Boekhoudt como e proximo gobernador a hiba nos prome minister pa Hulanda unda lo combersa diamars cu minister Ronald Plasterk di Asuntonan di Reino.
Den e carta di 12 october prome minister Mike Eman a pidi un encuentro cu prome minister di Hulanda Mark Rutte, como presidente di Conseho di Minister di Reino. Sinembargo awor sr. Eman ta sinta cu sr. Plasterk riba e malcontento di e gabinete di Aruba riba e nombracion. Aruba ta haya cu Reino no a cana e procedura corecto. Sr. Plasterk a nenga esaki. Pero awor ta willing pa sinta si riba e asunto.
Siman pasa diabierna gabinete Eman a duna sr. Boekhoudt su retiro como minister Plenipotenciario pa motibo di falta di confiansa. Den e carta menciona a bira cla cu minister Angel Bermudez tabata e candidato prefera di gabinete Eman. Sinembargo minister Plasterk a dicidi di bin cu sr. Boekhoudt como candidato gobernador. Gabinete Eman ta riba e punto di bista cu esaki no a bay segun e reglanan cu Reino a stipula cu ta bisa cu solamente Conseho di Minister di Aruba por propone candidatonan. Awor e gabinete Eman ta exigi cu Reino ta revoca e nombracion di sr. Boekhoudt como gobernador.
.jpg "Minister Bermudez ta kibra silencio riba nombracion gobernador")
