E compania di utilidad cu ta opera Fukushima su planta nuclear, e mesun cu un tsunami a devasta añas atras, a bisa diabierna ultimo cu nan espacio ta cabando pa por warda e cantidadnan masivo di awa contamina cu radiacion den 3 aña, asina agregando presion riba gobierno Hapones y publico pa bin cu un solucion y dicidi kico pa haci cune.
Tres reactor na Fukushima su planta Dai-ichi a sufri dañonan den 2011 su temblor y tsunami, cual actualmente a core consecuencia cu awa a lek den e reactornan afecta, mesclando asina cu awa di tera y di awasero den e planta. E compania ta trata e awa pero asina mes e ta keda poco radioactivo mientras nan ta warda nan den tank.
E planta a acumula mas cu 1 miyon ton di awa den casi 1000 tanki. Su operado, Tokyo Electric Power Co., ta bisa cu e tin plania pa construi mas tanki, pero cu e por acomoda solamente 1.37 miyon ton, cual ta e capacidad cu nan lo yega na dje den 2022. Kico lo haci despues ta un pregunta grandi.
