(DutchNews) – E cantidad di persona cu ta sobrepeso, ta bebe alcohol y huma na Hulanda no a disminui apesar cu a introduci un plan nacional den aña 2018 pa mehora e nacion su salud segun loke e figuranan di agencia di estsadistica CBS a demostra.
CBS a colecta datonan di encuesta conduci pa RIVM e instituto di salud, informacion di adictonan di Trimbos y nan mesun investigacionnan entre 2018 y 2021.
Su concluion ta cu e National Prevention Accord, un acuerdo firma pa 70 organisacion cu e meta di reduci obesidad, humamento y bebemento excesivo a causa hopi tiki efecto. Den aña 2018, mita di tur adulto na Hulanda tabata sobrepeso, cu un BMI di mas cu 25. Den aña 2021, e cifra aki no a cambia. E cantidad di persona cu ta huma a baha hopi tiki di 22 porciento pa 21 porciento. E cantidad di persona cu ta bebe demasiado frecuente tambe a mira un disminucion minimo lagando e cifra relativamente mescos.
E figuranan ta leu di e metanan cu a pone cu e acuerdo, cual ta pone e cantidad di persona cu ta huma na 5% y e cantidad di persona cu ta bebe excesivamente tambe na 5% pa aña 2040, mientras cu e cantidad di persona sobrepeso lo ta na 38% segun e acuerdo.
Mas o menos 31% di personana cu baho ingreso a bisa cu tin biaha nan ta huma, cual ta dobel compara cu e cantidad den ingresonan halto. Hendenan cu un nivel mas abao di educacion tambe ta huma mas cu e personanan cu un educacion mas halto, aunke e diferencia den e grupo aki ta mas chikito. Sinembargo, den bebemento e gruponan ta contrario di otro, cu e grupo cu ingreso halto ta bebe mas cu personanan di ingreso baho.
Mas o menos 35,000 persona ta fayece pa aña prematuramente pa causa di humamento, sobrepeso of problemanan relaciona cu alcohol na Hulanda.
