Plan fuerte pa recuperacion ta necesario, COHO ta un bon comienso

(CuraçaoChronicle) – Durante e apertura di e Aña Parlamentario na Corsou, unabes mas a bira cla kico tabata e efecto di Covid-19 riba bida di poblacion Curasoleño. Esaki tabata aparente den discurso di Gobernador, Lucille George-Wout.

“Tur cos a cambia desde 2020. Eventonan cu tabata un gran celebracion awo ta sobrio of cancela completamente. Pandemia di Covid-19 tin un impacto grandi riba tur hende; hende a perde nan trabao, nan a bira malo of hasta nan a fayece. Pero e pandemia tambe a demostra con resiliente y tenaz e poblacion di Corsou ta”, George-Wout a bisa den nomber di gobierno.

Segun e Gobernador, e gobierno nobo kier mustra e poblacion cu nan tambe tin e resiliencia y tenacidad aki, ‘door di traha duro y forma e asociacionnan corecto. E Organo Caribense pa Reforma y Desaroyo (COHO), cu a keda aproba dia 13 di augustus, ta un ehemplo di un bon comienso”, e Gobernador a bisa.

“Gobierno ta desaroyando un plan di recuperacion. Un plan cu ta bay mester sirbi como un compas pa tur aspecto di bida. Pa sigura cu tur persona ta continua desaroyando na un nivel mas halto, incluyendo financiera- y socialmente, y mas cu claro tambe den sentido di salud”, segun e gobierno nobo. “A desperdicia suficiente tempo. Awo ta e momento pa accion.”