Enseñanza

Participacion Integral y Sostenible

Acuerdo di Gobernacion 2021-2025 lo trece innovacion den sistema di enseñanza pa prepara alumno y studiante pa por participa y contribui exitosamente na e pais. Pa esaki tin metanan ‘nucleo’ (clave; kernfuncties) di calidad di enseñanza:

• Tur alumno y studiante mester yega na e cualificacion (habilidad y conocemento) necesario pa contribui na economia di futuro y ta exitoso riba mercado laboral.

• Socialisacion: prepara alumno y studiantenan pa ta cuidadano sigur di nan mes, sano, responsable y capaz pa contribui positivamente na comunidad.

• Mehora sistema di enseñanza: acceso na enseñanza, y sigui crece y studia na Aruba o den exterior.

Punto di salida: logra metanan di Sustainable Development Goals (SDG), pa Enseñanza SDG 4.

Plan nacional di enseñanza, PEN 2030, a haci uso di SDG 4 pa traduci metanan global pa Aruba.

Enfoque riba meta concreto y prioridad pa aspectonan cu ta fundeshi pa enseñanza di calidad, trahando cu tur stakeholder.

Vision di maneho (Direccion) di Ensenansa ta:

• mehora enfoque riba resultado y metanan di enseñanza;

• mehora acoplacion di enseñanza cu mercado laboral;

• atencion pa problemanan social den enseñanza y atende hoben cu ta ‘drop out’;

• duna aporte pa sanea situacion social-economico;

• union y colaboracion integral di tur stakeholder;

• sistema di enseñanza acopla na contexto y identidad Arubano (combina cu actitud abierto pa desaroyo internacional);

• maneho responsable basa riba dato;

• atencion necesario riba infrastructura;

• stimula digitalisacion y innovacion;

• enfoca riba calidad di enseñanza.

E 3 prioridadnan ta:

1. Enseñanza di calidad basico

2. Enseñanza pa un y tur (inclusion y lifelong learning)

3. Desaroyo di Competencianan di Siglo 21

Prioridad 1 Enseñanza di calidad basico

Cada scol mester por desaroya y ofrece enseñanza di calidad, cada un den diferente fase di desaroyo. Importante: tur scol na Aruba mester logra ofrece calidad basico di enseñanza, como promer stap, teniendo cuenta cu diferente aspecto. Scolnan mester haya e condicionnan necesario, iniciando cu e ‘doorlichting’ (di Landspakket).

Accionnan ta:

– scolnan ta traha pa metanan final stipula na nivel nacional;

– tur scol tin nan ciclo di cuido di calidad ‘in place’;

– Actualisacion di leynan na tur nivel (di primario te universidad);

– lo evalua maneho di ‘keda sinta’y lo adapta si ta necesario;

– modernisacion di subsidio y adaptacion di ley;

– introduci sistema di colecta dato (OpenEmis);

– profesionalisacion di docente riba e.o. digital;

– reforza plataforma di enseñanza pa tur actor den enseñanza tin voz y por comparti best practices y siña di otro;

– formalisa plataforma enseñanza y labor;

– mihor acoplacion di diferente tipo di enseñanza pa mihor fluho di studiante;

– campaña di conscientisacion tocante enseñanza y responsabilidad di tur stakeholder;

– inverti den infrastructura y material di enseñanza;

– fortalece organisacion y maneho di diferente instituto di enseñanza;

– optimalisa sistema di supervisa calidad di enseñanza.

Prioridad 2. Enseñanza pa un y tur

Enseñanza mester por brinda tur cuidadano oportunidad pa siña. Tur mucha pero tambe adulto y hoben cu no a termina un estudio mester por haya oportunidad. E concepto di Lifelong learning ta pa hende nan bida largo por sigui siña. Pa esaki lo amplia e cantidad di estudio, creando e.o. programa di estudio y posibilidad via digitalisacion. Lo percura pa digitalisacion pa ofrece enseñanza cu ta pas cu e mundo (belevingswereld) di alumno. Pa tur alumno ta exitoso nan mester haya tur sosten ora nan ta confronta problema di studia y/o social.

Accionnan ta:

– modernisa y ofrece programa di enseñanza na EPB y EPI;

– modernisa y optimalisa educacion pa adulto;

– traha structura di cuido eficiente;

– percura pa infrastructura y materialnan digitalisa;

– explora regulacion di sistema di enseñnza digitalisa pafor di sistema nacional.

Prioridad 3. Desaroyo di Competencianan di siglo 21

Alumno hoben ta lanta den e era di digitalisacion. Esaki ta trece cune otro tipo di competencia. Tambe pa e desaroyo rapido di tecnologia no tin vista kico e profesionnan di futuro lo ta. Esaki ta pidi pa alumno prepara cu competencia den creatividad, habilidad pa resolve problema, comunica, colabora y tambe habilidad digital.

Tambe SDG ta dirigi riba sostenibilidad y cuido di nos planeta. Esaki ta exigi pa nos biba mas den harmonia

cu naturaleza, cuida flora y fauna, y medio ambiente.

Mester sigui fortalece e aspecto fuerte di mas di 1 idioma pa competi internacionalmente y crea posibilidad

nobo. Mester sigui cultiva e propio identidad, cultura y tolerancia, cu ta loke ta haci nos pais exitoso.

Accionnan:

– desaroya maneho y programanan pa habilidad di siglo 21, e.o. colaboracion, pensamento critico, innovacion y creatividad, comunicacion.

– desaroya y implementa maneho di idioma na nivel nacional pa tur nivel di enseñansa.

– implementa Scol Arubiano Multilingual na tur scol primario.

– IPA lo continua cu curso na docente pa prepara pa Scol Arubiano Multilingual (SAM).

– explora mihor forma pa instituto di maneho y planificacion di idioma.

– curriculum y programa pa habilidadnan pa siña desaroya siriamento den tur situacion.

– arte y cultura

– competencianan di cualificacion laboral

– educacion di naturalesa y medio ambiente

– educacion financiero y empresarial

– desaroyo civico y personal (entre otro norma y valor)

– desaroya programa pa siñamento social-emocional.

– programanan practico y innovativo pa adulto y stimula siña henter bida.

Deporte

Punto di salida: e 4D-nan: Deseo, Disciplina, Dedicacion y Determinacion

Ta pone como meta promove un estilo di bida activo y saludable den comunidad.

Lo pone enfasis riba profesionalisacion di sector di deporte, promove deporte na tur nivel (scol, recreativo y competitivo), mehoracion y mantencion di facilidadnan deportivo y concientisa tocante importancia di deporte pa salud.

Pa esaki siguiente puntonan:

• Beca deportivo

  • Acerca compania den exterior (Merca) pa beca deportivo pa “Junior College”, “College” y Universidad

cu tin un curriculum reconoci pa atleta.

  • Organisa information tocante proceso di beca deportivo.
  • Facilita studiante /atleta pa banda di beca/scholarship posibilidad pa studiefinanciering. Lo ahusta e Landsbesluit pa esaki.
  • Comunidad den movecion.
  • Actividad deportivo pa promove movecion ma tur nivel di comunidad.
  • Proyecto DIADOMINGO ACTIVO, manera canamento.
  • Continua proyecto Hoben Activo Hoben Feliz.
  • Fortifica federacionnan nacional di deporte.
  • Organisa periodicamente curso/seminario admistrativo ferderacionnan.
  • Inverti den materialnan necesario pa fortifica practica.
  • Olimpiada Escolar;
  • Promove competencia deportivo escolar, cu Olimpiada Escolar. Weganan Escolar “WE”.
  • Promove competencia entre scol;
  • Weganan di Reino y Weganan Interinsular;

Deporte y Turismo “Sport Tourism”

o Atrae organisacionnan internacional (College/University) pa usa Aruba como plataforma pa practica y prepara pa proximo compromiso.

o Esaki ta parti di “Sport Tourism” unda (College/University) y otro organisacion deportivo lo biaha cu fanaticada y familiar, aportando na turismo.

Producto Bruto National

  • Investiga/ calcula aporte financiero di deporte ma Producto Bruto Nacional. Benchmark esaki cu islanan den region, pa deporte haya su “fair share” pa inverti mas den desaroyo di atleta y infrastructura.

Fundacion Lotto pa Deporte

Lo renegocia acuerdo cu Canadian Bank Notes pa yega na un contrato mas husto pa pais Aruba y cu mihor beneficio pa bienestar general di deporte.

• Facilidadnan deportivo y colaboracion cu FIFA

o Lo percura pa un plan integral pa mantencion, mehoracion y/o ampliacion di e infrastructura deportivo den combinacion cu demas stakeholder manera FLPD y FFD.

o Trabao cooperativo cu AVB y inversionan di FIFA : restaura y renoba Stadion conforme Standard Internacional di FIFA.

o Tambe hunto cu FIFA y AVB: “proyecto special” pa diferente club na Aruba.

• Sportdata: Proyecto conhunto CBS pa registra tur dato deportivo di federacionnan.

 

Deporte competitivo, recreativo y preparacion di Atleta ( BVVD)

Lo stimula y inverti den deporte competitivo y recreativo, cu e.o COA, SSA, CEMEDAR, FLPD, FFD.

Tambe lo stimula BVVD ( liber cu pago) pa atleta di alto nivel por prepara pa competencia reconoci, e.o. Pan Americano, Centro Americano y Del Caribe of Regional.