E placa di Arubalening destina pa nos hoben studiantenan cu lo sigui un estudio avansa of universitario ta reserva. Asina minister Rudy Lampe di enseñansa a declara na Bon Dia Aruba.
Igualmente e mandatario a bisa cu nan a dicidi di prolonga e inscripcion pa haya un Arubalening te cu 10 di juli awor pa ricibi Arubalening entrante augustus. Despues di e fecha aki nan sa exactamente cuanto hoben a aplica pa e fiansa di estudio aki.
Nan a dicidi di extende e periodo pa motibo di e crisis di Covid. Ainda no tin bista cuanto studiante a bin acerca, pero si e placa ta reserva. “No tin problema financiero pa nos hobennan por haya e medio financiero necesario” pa sigui nan estudio na Hulanda, minister Lampe a bisa.
No tabatin accesibilidad pa e oficina di Arubalening debi na e crisis di Covid y e medidanan introduci. P’esey Arubalening a dicidi di adapta nan proceso pa facilita esun interesa pa un fiansa pa estudio por diligencia esaki via nan portal.
