(CuraçaoChronicle) – Gabinete Pisas na Corsou, igual cu gobierno di Jacobs na Sint Maarten, tin intencion pa freeze salario di ambtenaarnan pa asina tene gasto bao control den presupuesto. Fondo Monetario Internacional (IMF) a reporta esaki luna pasa.
IMF a haci un bishita virtual na Corsou y Sint Maarten. E ‘Concluding Statement’ ta declara con ta bay elimina e deficitnan den presupuesto. Ambos gobierno ta indica cu nan intencion ta pa mantene freeze riba salario den proximo aña pa monitor gasto di gobierno. Den caso di Corsou, ta agrega cu gobierno a prepara un pakete di medida pa reduci gasto di cuido di salud lo mas posible.
Den su Concluding Statement, IMF tambe ta considera e Organo Caribense di Reforma y Desaroyo (COHO). Segun IMF, esfuersonan te awo ta enfoca riba diagnostico y plan, y e fase di implementacion ainda mester cuminsa. “Ambos isla tabatin agendanan di reforma sin completa na momento cu e pandemia a cuminsa. Esaki a cambia e circunstancianan”, IMF a bisa.
IMF ta conseha Gobierno di Corsou pa introduci un sistema completo VAT (Value Added Tax) na lugar di e OB (sales tax) actual. E economia a cuminsa recupera den segundo mita di 2021, segun IMF. Empleo den sector formal ainda ta abao. Esaki parcialmente pa motibo di continuacion di contraccion di refineria di Corsou y probablemente ta un movida den direccion di sector informal. Ambos isla ta experimentando inflacion eleva pa motibo di aumento di prijs di importacion y interupcion di banda di suministro global.
“Nos ta conta riba un crecemento di GDP di dos porciento pa Corsou e aña aki y siete porciento proximo aña. Riba Sint Maarten, ta spera cu GDP ta bay aumenta cu cuatro porciento na 2021 y 12 porciento na 2022”, segun IMF.
Riba potret: Prome minister Pisas via AntilliansDagblad.
