Despues di un luna yena cu e color ros promoviendo e concientisacion di e luna di breastcancer awareness month, Mary Joan Foundation a host nan di 12 pink walk pero e biaha aki hunto cu Garage Cordia. E caminata tabata tin mas cu 500 participantenan y varios di nan a decora nan mes extra na e color ros, scirbiendo tambe riba nan t-shirt un dedicacion pa nan ser keri of pa ken nan ta participando.
Prome cu e walk e participantenan a haci un zumba warm-up, nan a haya un “pink towel” y tambe boter di awa. Por a tuma nota di e grupo di mucha muhenan den nan “tutu” roos di ballet. Durante e caminata por a nota tambe cu e participantenan tabata cana cu hopi animo y a wordo ricibi bek na Garage Cordia cu aplauso y grito di animo tambe. Milushka Feliciano di Mary Joan Foundation a laga sa cu e feedback cu nan a haya tabata bon, y cu e tabata un “great experience trahando hunto cu Garage Cordia pa e evento aki”.
Despues di e caminata e participantenan a reuni hunto den e showroom di Garage Cordia pa asina wak ken ta bay cas cu e bunita premionan cu tabata tin, manera: Un Ipad, 2 pasashi pa Miami cu Insel Air, weekend stay na Marriott, dinner for two na El Gaucho, 1 aña di travel insurance di Ennia y cadeaubon di Fx. E famoso mountain bike cu nan tabata rifa no a wordo gana pa motibo cu niun hende no a logra “unlock” e code, pero asina mes e participantenan di e track range a haci donacion na Mary Joan Foundation tambe.
Na final, combersando cu un di e participantenan Kayla a conta cu “e tabata un bon evento y oportunidad pa tur hende bini hunto y reuni bek pa e causa aki”. Y Vanessa Hollander di Garage Cordia a comenta cu “e evento tabata hopi leuk, y hopi bon ambiente tambe”. Normalmente Garage Cordia ta sponsor den hopi cos pero no ta tur ora ta mustra cara cu ta nan mes ta tras di dje, pero den celebracion di nan 50 aña nan a dicidi di duna man na Mary Joan Foundation pa asina yuda nan den e Pink Walk 2015.
