E piloto di e avion cu tabata tin e team di futbol di Brazil na bordo ta bisa cu e avion no tabata tin fuel momentonan prome cu el a cay na Colombia, segun un grabacion ta indica. 71 persona a fayece ora cu e avion aki a cay den un area den mondi, incluyendo mayoria di e team Chapecoense y 20 periodista Brazilero cu tabata na bordo. Den un grabacion, por scucha e piloto comunica cu toren bisando cu su fuel ta cabando anto tabata tin mester di haci un aterisahe di emergencia segun co piloto di un otro avion cu tabata den e area.
Fuente: SKY NEWS
