E ultimo simannan tin hopi comentario riba e situacion na e crusada di Superfood unda e luz di trafico no ta functiona. Tin varios accident cu a tuma luga caba y automobilista ta keha cu gobierno ta tarda pa drecha e luz, pa asina caba cu e situacion peligroso. Diadomingo a tuma luga un otro accident grave na e mesun crusada (riba potret).
DOW su director Marlon Croes ta splica cu durante e mal tempo dos siman pasa lamper a dal den e instalacion cu ta regla e luz di trafico na e crusada menciona. E siman aki ta spera e piesanan pa drecha e instalacion cu ta 27 aña bieu. Esaki segun fuente 24ora. Segun e director e situacion lo bay cambia den futuro ora lo pone un rotonde na su luga, den cuadro di e proyecto Watty Vos Boulevard.
.jpg "Dialuna y diamars deviacion di trafico den Playa")
