Varios minister interino a tuma nan retiro diaranson ultimo den Conseho di Minister pa asina traha espacio pa e gobierno nobo.
“Manera ta conoci, e conseho di minister aki ta un gobierno di transicion y awo e preparacionnan pa e gobierno nobo ta finalisando”, asina Minister interino Wycliffe Smith a conta prensa. “Nos a compronde cu e formado ta cabando su rapport y cu e screening di e ministernan entrante ta casi finalisando tambe. Esaki lo kiermen cu esaki lo ta e posibel ultimo conferencia di prensa di e conseho di minister aki.”
Smith ta haya e oportunidad pa sirbi su pais uno sumamente honra, den su capacidad como Prome Minister interino y Minister di Asuntonan General pa un luna awo. “Mi a sirbi 16 luna den Gabinete Marlin-Romeo II como Minister di Enseñansa, Cultura, Hoben y Deporte. E colaboracion cu Prome Minister Leona Marlin-Romeo y mi coleganan minister tabata bal la pena y e decisionnan cu nos a tuma tabata basa riba integridad, honestidad y transparencia.”
Tambe Minister interino Perry Geerlings di Finanzas a haya traha den su posicion como un honor. El a gradici tur persona cu a deposita confiansa den su persona.
