Un delegacion di Venezolano, presidi pa Antonio Rivero, general retira di Ehercito, a solicita ayera cerca Conseho di Siguridad di Organisacion di Nacionnan Uni (ONU) un embargo di arma y explosivo riba Venezuela.
E delegadonan a convoca pa 10:30 am un rueda di prensa den sede di ONU na New York, unda nan a splica e motibo di nan solicitud y di kico e embargo lo consisti.
Den e caso cu e embargo bira efectivo, Conseho di Siguridad lo por ordena un blokeo di e armanan adkiri pa e represion di manifestante.
E solicitud tabata dirigi na director di Conseho di Siguridad, Sacha Llorentty.
