E investigacion den e caso di labamento di 23.5 miyon euro (mas cu 46 miyon florin) di banda di husticia ta cla. E placa tabata scondi den galiña na Hulanda pa bay riba transportacion pa Aruba den container grandi y despues riba botonan chikito pa Venezuela.
Pero despues di lunanan ainda no por trata e caso pa motibo cu OM ta warda riba permiso di husticia Mericano pa cu prueba.
Pues fiscal Bart Schmitz a pidi pa extende e tratamento locual no a cay den bon tera cu e sospechosonan Arubano diabierna mainta den corte, esta Ramon Helgers (un di e doñonan di restaurant Madame Janette) y Rupert Genser.
Nan a haci un peticion pa warda e sentencia den libertad, pero hues finalmente a rechasa e peticion. Hues ta di acuerdo cu e caso ta tarda mucho pero te ainda no ta mira suficiente motibo pa laga e sospechosonan liber awor. “E caso aki ta trece hopi daño na e reputacion internacional di Aruba, su comunidad y e esunnan cerca.” Entre otro tambe pasobra e placa ta procedente di bendemento di droga.
E caso lo sigui riba 15 di april.
Por lesa mas den corant Bon Dia Aruba.
