(DW) – Den un nota di prensa, Fiscalia a indica cu “EkipoSpecial di Fiscalnan pa casonan di victimanan durante protestanan social a formalisa, te e fecha aki, 18 investigacion preparatorio contra esnan investiga pa mortonan y lesion contra 267 ciudadano cometi den contexto di violacion grave di derechonan humano durante protestanan social registra na e pais, entre december 2022 y maart 2023.
E casonan aki ta involucra 154 miembro di Polis Nacional y Ehercito di Peru.”
Den marco aki, ekipo special di region Ayacucho a formalisa e investigacion contra 27 integrante di Ehercito di Peru vincula cu hechonan di violencia registra pafo di aeropuerto di ciudad di Huamanga, 15 y 16 di december 2022 den cual a laga “55 persona herido.”
Entre e acusadonan ta e comandante general di Segundo Brigada di Infanteria Militar di Ayacucho, Jesus Vera; teniente coronel di Ehercito Jimmy Vengoa; coronel Carlos Vega; y hefe di Macrorregion Policial di Ayacucho, Antero Mejía; entre otronan.
Asina mes, den region di Puno, frontera cu Bolivia, Fiscalia a habri tres investigacion contra 24 polis como presunto coautor di delito contra bida, curpa y salud, debi na e morto di Salomon Valenzuela y Sonia Aguilar durante e protesta na Macusani, 18 di januari 2023.
Ademas, 19 miembro di Ehercito y Polis ta bao investigacion pa e morto di 18 persona y 108 herido cerca di aeropuerto Inca Maco Capac, asina como tambe otro tres polis pa e hechonan registra na localidad di San Roman, na ciudad di Juliaca.
Na Lima, a habri cuatro investigacion contra 12 polis, cu ta implica e morto di Víctor Santisteban, 28 di januari 2023, e lesion di tres persona y hechonan di violencia na centro historico den manifestacionnan di 12 di december 2022, 4 di januari y 2 di maart 2023.
Na districto fiscal Selva Central, Fiscalia a habri un otro investigacion contra e hefe di VI Macro Region Polical di Junin, Gregorio Villalon, hefe di Division Policial di Chanchamayo, Cesar Chavez, y comisario di Pichanaqui, Jonny Vargas como presunto autor di comision pa omiti delitonan di homicidio califica contra un menor di 17 aña, Diego Galindo y Ronaldo Barra.
Investigacionnan di Fiscalia tambe ta inclui dos polis di region Libertad pa e mortto di dos persona y lesion contra otro tres den mobilisacionnan realisa na districto di Chao na januari 2023.
