E crisis politico na Peru a bira pio cu e posibilidad di e disolucion di Congreso, cual e fujimorismo ta domina, dilanti di un acusacion di e Ehecutivo di cu ta obstaculisa e reforma politico y e lucha contra corupcion.
Presidente Martin Vizcarra diaranson pasa a habri e porta ey ora el a anuncia cu lo presenta un cuestion di confiansa pa aproba un reforma politico cu a ser blokia pa e partido fujimorista, Fuersa Popular.
Durante un mensahe fuerte ofreci na e Palacio di Gobierno, den cual tabata acompaña pa su gabinete y gobernador di e regionnan di e pais, Vizcarra a acusa e mayoria fujimorista den Congreso di obstaculisa e reforma y protege e ex-fiscal general, Pedro Chavarry, di e pedido di destitucion y investigacion pa presunto corupcion.
E gobernante a señala cu pa motibo ey, ‘poniendo como testigo tur e Peruanonan, respetando e sistema democratico y cu cumplimento stricto di e facultadnan’ cu e Constitucion ta otorga p’e, lo presenta e cuestion di confianza.
El a detaya cu esaki ta implica cu Congreso mester aproba cinco proyecto di ley presenta pa e Ehecutivo, cu ta plantia cu ‘e inmunidad parlamentario no converti den impunidad’ y cu ‘e personanan cu a ser condena no por ta candidato’ pa eleccionnan.
Constitucion Peruano ta duna e Ehecutivo e facultad di disolve Congreso si nan rechasa dos pedido di confianza, cu e presidente mester convoca pa eleccionnan legislativo pa completa e periodo di Gobierno, cu ta finalisa na juli di 2021.
