(AmbitoInternacional) – Dia 28 di juli di 1821, e nacion Peruano a alcansa su independencia for di e monarkia Spaño, gestando asina e historia soberano di Independencia di Peru.

Tabata 201 aña pasa cu e general Argentino, Jose de San Martin tabata proclama e independencia di e pais. Asina a nace un Peru nobo, goberna pa autoridadnan eligi democraticamente pa su pueblo.

Historia di independencia

Si bon e manifestacionnan y revueltanan a sucede durante mas cu un decada, tabata te na aña 1820 cu e yegada di Jose de San Martin y su Expedicion Libertador cu a cuminsa pensa riba independencia como un posibilidad.

San Martin a declara Independencia di Chile na 1818, y a yega e haf di Pisco, na Peru, na september di 1820, na momento cu e movemento independista a expresa prome na Huaura, unda e Argentino a declar apa prome biaha e Independencia di Peru na november di e aña ey.

E libertador a dialoga cu e virrey Spaño, Jose de La Serna na juni di 1821, na Hacienda Punchauca, como 30 kilometer leu di centro di Lima, y segun e buki di ‘Historia di Republica di Peru’ di Jorge Basadre, “a insinua e idea di independencia di Peru basa riba reconciliacion cu e Spañonan, mediante un monarkia constitucional, cu un prins di e nacionalidad ey”; pero e virrey su generalnan a rechasa e propuesta. De la Serna a bandona Lima, e sede di e virreynato, y a sugeri e haf di Callao como refugio pa otro Spañonan.

Dia 10 di juli e militar Argentino a drenta Lima, dia 28 a proclama e Independencia den e Plaza de Armas y a establece un Protectorado cu mester a pone e base pa Estado Peruano.

E palabranan di San Martin durante e ceremonia aki usualmente ta ripiti durante e presentacionnan escolar cu ta escenifica e proclamacion di Independencia: “Peru ta for di e momento aki liber y independiente pa e boluntad general di e pueblonan y pa e husticia di su causa cu Dios ta defende. Biba e patria! Biba libertad! Biba independencia!” e libertador, naci na Yapeyu, Corrientes, Argentina, a declara dia 25 di februari 1778.

E acta di Independencia di Peru a keda redacta pa Manuel Perez Tudela y firma pa 339 residente na Lima kende tabata respalda e causa separatista, entre nan, miembronan di e cabildo, di clero y maestronan di universidad.

Kico independencia a significa?
 E independencia a implica pa corta tur vinculo cu corona Spaño, caba cu relacionnan economico y mehjora e situacion den cual e indigenanan di e pais tabata biba.

Tradicionnan di Dia di Independencia na Peru

Durante henter luna di juli, e banderanan Peruano ta presente na tur tipo di oficina, comercio y cas di famia. Di mesun forma cu ta sucede cu otro fiestanan patrio, ta realisa celebracionnan local den centronan cu ta uni e habitantenan di distinto ciudad di e pais.

Peru ta celebra dia 28 y 29 di juli e denominado ‘fiestas patrias’: pa ley tur cas y local publico mester coloca e bandera nacional durante e fechanan aki, pa celebra e dia di independencia di Peru.

E colornan di e bandera a nace, segun storia ta conta, di un soño di San Martin, kende un dia di 1820, cansa na e bahia di Paracas y pensando riba e causa independentista, a pega soño apoya riba un mata di coco, y na momento cu el a lanta el a mira parihuana, of flamenco andino, di pecho blanco y halanan cora. Mayoria di congresista, funcionario di Poder Ehecutivo y presentadornan di television usualmente ta bisti un escarapela blanco y cora, di tela of metal na nan camisa, incluso autonan particular y hasta busnan ta pone un bandera chikito boluntariamente.

Dia 28 y 29 di juli generalmente ta dianan liber na e pais. Dia 28 ta realisa e cambio di mando presidencial, y e mensahe anual di e hefe di Estado; mientras cu dia 29 ta dia di desfile of parada militar, den cual forsnana arma y di polis ta participa exhibiendo nan ekiponan di tera y aire.