(Reuters) – Peru ta bay entrega na autoridadnan Mericano un asesino convicto pa asina ey enfrenta cargo di extorsion, fraude di un desaparicion cu no a keda resolvi na 2005 y e presunto asesinato di un adolescente di Alabama, segun gobierno di Lima a anuncia diaranson ultimo.
E orden ehecutivo di Conseho di Ministernan di Peru cu ta permiti extradicion temporal di Joran van der Sloot ta marca e ultimo giro den casi 20 aña di misterio pa loke ta trata e asesinato di Natalee Holloway.
E hoben di 18 aña, cu tabata biba na Birmingham, a disparce durante un biahe di graduacion cu a haci pa Aruba na mei di 2005, loke a duna luga na un investigacion y a atrae un cobertura mediatico grandi. Segun autoridadnan, Holloway tabata cu van der Sloot y otro homber ora el a disparce.
Van der Sloot, un ciudadano Hulandes di Aruba, a keda deteni pa e desaparicion di Holloway, pero nunca a haya un acusacion di su presunto secuestro. Nunca por a haya e restonan di e hoben, pero un hues di Alabama a declar’e legalmente morto na 2012.
E mesun aña ey, van der Sloot a haya un condena di 28 di prizon na Peru despues cu a confesa di a mata Stephany Flores, un studiante Peruano di economia di 21 aña.
El a bira noticia tambe na 2014, ora su abogado a informa cu van der Sloot a keda herida den prizon, aunke autoridadnan penitenciario a bisa cu probablemente el a hinca su mes cu un cuchiu.
E orden di ehecutivo cu ta despeha e via pa su extradicion pa Merca a bin for di un comunicado di Embahada di Peru na Washington.
Den virtud na acuerdo cu Departamento di Husticia di Merca, segun e comunicado, e ta bay enfrenta cargonan di extorsion y fraude electronico “como parti di un plan pa supuestamente conduci e famia (Holloway) te e curpa di nan yiu fayecido.”
No a menciona si tambe ta bay enfrenta cargonan di estado di Alabama pa e mesun morto di e hoben y funcionarionan Mericano no a informa di biaha si esey ta posibel den virtud di e tratado di extradicion di Washington cu Lima.
