(EFE) – Te ainda Peru no a confirma e nomber di su presidente nobo y proximo Ehecutivo cu ta envolvi den controversia.
E candidato y ganado virtual di eleccionnan presidencial di Peru, Pedro Castillo a rechasa cu el a ricibi financiamento di parti di algun personanan pa su campaña politico y a bisa cu e ta dispuesto pa lo wordo investiga.
Pa respet pa pueblo mi ta bay ta sincero cu mi mes, mi ta bay somete na cualkier tipo di investigacion na e momento mas precies pa lo bisa cu si un hende a ofrece mi un sol y a bisa mi ‘Pedro esaki ta e placa pa bo campaña, esaki ta pa bo’. Mi ta bay rechasa esey”, e candidato di iskierda a bisa.
Su declaracionnan a produci despues cu Fiscalia a señala cu e organisacion delincuencial “Los Dinamicos del Centro” a busca inverti fondonan ilicito den campaña di Peru Libre, partido cu e cual Castillo a postula pa presidencia.
Segun e fiscal, Bonnie Bautista, di Despacho Dos Provincial di Fiscalia Anti-corupcion di Junin, e grupo tabata funciona den interior di Gobierno regional di Junin. Un di e formanan di hinca placa iregular tabata a traves di trafico di rijbewijs, ainda si e postulante no tabata cumpli cu e rekisitonan.
E actividad a intensifica na luna di april ultimo, cu e fin di financia e campaña di e di dos buelta electoral, segun Bautista a afirma.
“E obhetivo tabata financia campaña di e partido politico di turno”, na Gobierno regional, cu incluso a presenta postulante na Presidencia di Republica y Congreso, e funcionario a indica.
Awor campañadonan di Peru Libre ta obheto di investigacion di e fiscal pa iregularidadnan den emision di rijbewijs, asina como tambe di negociacionnan pa faborece cu trabou na su siguidonan y campañadonan.
Di su parti, Pedro Castillo a insisti cu su campaña cu a keda financia di manera independiente, danki na aportenan di su simpatisante durante e recorido cu el a haci rond di e pais.
