E yobidanan intenso a destrosa na cuminsamento di aña e zona di centro y sur di Peru. E temporal cu a asota e region den ultimo dianan a laga inundacion, tereno los, camindanan yen di awa.
Un di e regionnan mas afecta tabata Cusco, ubica na 573 kilometer di Lima. Eynan e yobidanan a provoca cu tereno a los y inundacionnan, loke den e zona Andino ta conoci como ‘huaico’.
Como consecuencia di tres dia continuo di awasero, mas di un centenar di famia a keda sin cas y ocho emergencia a ser reporta, di acuerdo cu informacion cu Diario La Republica a reporta.
Asina mes, diamars mainta ultimo, tambe terenonan a los y a causa dañonan severo na zona di Siete Tinajas, un balneario turistico reconoci. Den e sector ey, algun vivienda y un caretera importante a keda afecta. E trabounan pa haci e luga limpi a continua den dianan aki.
Di otro banda, autoridadnan a informa cu, entre januari y maart, e nivel di yobidanan lo supera un tiki e rango habitual, pa loke ta mantene e alerta pa un ripiticion posibel di e fenomenonan aki.
Den tanto, segun La Republica ta informa, area di Cultura di Cusco a ordena su personal di e parkenan arkeologico di e zona pa permanece alerta pa un posibel emergencia. E advertencia lo keda na vigor te april y ta alcansa e sitio Inca turistico, como e reconoci Machu Picchu.
