(Infobae) – Peruanonan no ta contento cu e trabou di e presidente di e republica Dina Boluarte. E ultimo encuesta di Datum International ta revela cu e nivelnan di desaprobacion di e hefe di estado a pone un record nobo.
Na februari 2023, ora cu e asesinato di esnan cu a manifesta contra su gobierno a sucede caba, e malcontento di ciudadano a alcansa 76%, pero awor cu Peru ta menasa pa un ola di criminalidad imparabel y preguntanan nobo ta aparece debi na supuesto iregularidadnan den Ehecutivo, 92% di e pais ta desaproba e trabao di e mandatario.
E encuesta publica pa e corant El Comercio den su edicion di ayera diadomingo 13 di october ta mustra cu e malcontento di e poblacion ta registra na tur nivel socioeconomico. Di A pa E, e cifranan di desaprobacion ta surpasa 90% mientras cu e aprobacion maximo apenas ta yega 7% den e NSE E. Na nivel nacional, aprobacion ta cerca di 5%, esaki ta e cifra mas abou den e casi dos añanan di gobernacion di e hefe di estado.
Sur di Peru ta sigui ta e area cu e cifranan di desaprobacion mas halto (94%), pero no mucho atras ta Lima, Callao, noord y centro di e pais cu 92%. Solamente e parti oost ta registra e cifra di 87%. Pa loke ta trata edad, 87% di hobennan entre 18 y 24 aña ta bisa cu nan no ta contento cu e prestacion di e gobierno actual, mientras cu e resto, esnan entre 25 y 70 aña, ta surpasa 90%. E cifranan pa sexo ta mustra cu 92% di hende homber y hende muhe a haci publico nan decepcion cu e trabou di Dina Boluarte.
E popularidad di e resto di e miembronan di e Ehecutivo tampoco no ta faborabel. For di e 65% registra na september, e desaprobacion di e presidente di Conseho di Minister, Eduardo Adrianzén, awor ta alcansa 78%. Na Lima y Callao, regionnan unda gobierno a declara estado di emergencia debi na e ola creciente di crimen, a registra un desaprobacion di 81%. E mesun cifra a ser obteni bou di e encuestado masculino mientras cu 76% a ser haya bou di hende muhe.
E minister di Interior, Juan José Santivañez, tambe a registra un aumento den su desaprobacion. Na nivel nacional, 76% di e Peruanonan no ta satisfecho cu e trabao di esnan encarga cu Polis Nacional di Peru. Mescos cu e premier, e titular di e minister ta registra 81% di malcontento na Lima, Callao y sur di e pais mientras cu na noord, centro y oost e resultadonan tabata 71%, 75% y 64% respectivamente.
Congreso di Republica ta un di e institucionnan na cual sindicatonan a acudi cu ta exigi garantia di seguridad pa traha. Te cu december 2023, Parlamento tin 88% di desaprobacion. Ta bon pa corda cu e poder aki di Estado a promove medidanan manera e Ley di Crimen Organisa, un regla cu ta haci e trabou di autoridadnan dificil pa haya criminalnan peligroso.
Dilanti di e ola di criminalidad cu ya a Costa bida di varios comerciante, chauffeur y cobrado, Congreso a bin ta promove e Ley di Terorismo Urbano. Aunke e iniciativa ta busca pa reconoce e magnitud di e problematica di inseguridad ciudadano, diferente experto a bay di acuerdo cu e ta un medida cu lo no tin un impacto faborabel mas grandi riba e poblacion. Asina mes nan ta insisti pa aproba e proposicion den plenario.
