E personanan vegan cu no ta obtene suficiente calcio y proteinanan den nan dieta, por enfrenta un mayor riesgo di fracturanan di weso, segun un estudio nobo. E investigadonan a haya cu e hendenan vegan tin 43% mas di riesgo den fracturanan di weso y specificamente un mayor riesgo di fracturanan den e parti di heup, pianan y lomba, cu e personanan cu ta come carni y lacteos.

Segun un estudio publica na BMC Medicine, e vegetarianonan y piscaterianonan tambe tin un riesgo eleva, pero ta reduci ora nan a haci un esfuerso concerta pa inclui alimentonan rico den proteinanan y calcio den nan platonan.

Sinembargo, incluso despues di ahusta e ingestion di proteinanan y calcio, e vegannan ainda tabatin riesgo significativamente mayor di fracturanan cu e personanan cu ta consumi lacteos y/of carni, loke ta sugeri cu tin algun otro variabel involucra, manera e deficit di vitamina B12 y vitamina D.

A pesar di e hallazgonan aki, investigadonan a bisa e personanan cu no mester necesariamente renuncia na un dieta basa riba matanan, ya cu ta posibel pa obtene nutrientenan necesario sin come productonan di animalnan; solamente por rekeri cierto planificacion.

Menos calcio y proteinanan por ta un parti culpabel

E investigadonan di e universidad di Oxford y Bristol a analisa datonan di 54.898 hende homber y muhe di e Reino Uni durante un promedio di 18 aña di siguimento.

Nan a observa e fracturanan door di tur causa, incluyendo e accidentenan, pa loke nan no por a determina si algun weso kibra tabata causa directamente door di un dieta specifico. Pero nan ta kere cu e consumo di proteinanan y calcio ta un componente clave.

En general, e participantenan cu no a come carni cora generalmente tabatin un mayor riesgo di fracturanan di heup cu nan contraparte carnivoro, un estadistica cu a zona berdad incluso despues di ahusta e variabelnan di estilo di bida, manera ingreso y educacion.

E vegan den e estudio tabatin nivelnan mas abao di ambos nutriente den nan dieta. Esaki tin sentido pasobra carni, e wesonan y e pisca ta fuentenan rico den proteina y e lacteos ta un fuente importante di calcio pa e hendenan cu no ta vegan.

E hendenan vegan tambe tabatin indice di masa corporal mas abao (of un relacion di peso/ altura), cu tambe ta un factor di riesgo pa fracturanan.

E dietanan vegan ainda por ta saludabel

Un dieta vegan bon balansa por inclui cosnan manera bonchi, quinoa, avena y soya pa obtene e proteinanan. Pa calcio, e berduranan di blachinan berde scur y e simianan di chia ta un bon fuente. Pero tampoco ta un mal idea complementa otro nutrientenan manera vitamina D, sea bo ta vegan of no.

Tin hopi evidencia cu veganismo tambe por tin beneficio pa salud. Investigacionnan anterior a vincula un dieta basa riba mata cu un presion arterial mas abao, un riesgo reduci di enfermedadnan cardiovascular y menos posibilidadnan di desaroya diabetes y obesidad.

Manera resultado, e ta importante tuma e estudio cu un grano di salo na considera cu dieta por ta miho pa e necesidadnan di salud unico di cada persona.

“E personanan mester tuma na cuenta e beneficionan y riesgonan di su dieta y sigura di tene nivelnan adecua di calcio y proteinanan, tambe mantene un IMC saludabel, es decir, ni abao ni sobrepeso”, Tong a bisa riba un comunicado di prensa.