Cantante Mexicano, Juan Gabriel a fayece 28 di Augustus na edad di 60 aña.
Cu 84 victima di atake terorista na Niza, 44 persona morto den un bom na Estambul, 32 atake na Francia, 49 victima na Orlando – cual tabata e tiramento di mas violento den historia Mericano – 2016 te ainda a trece hopi sorpresa y decepcion pa hopi hende. Polis a mata hende na Louisiana y Minnesota na Merca, como tambe cinco polis a wordo asesina na Dallas, situacion na Venezuela ta keda bira mas fastioso, embahador Ruso ta wordo asesina na Turkia y asina e lista ta crece di sucesonan alarmante di 2016 rond mundo.
Locual ta continuamente trece un shock riba rednan social tambe, ta e personalidadnan famoso cu a fayece den 2016:
Cantante Britanico George Michael a fayece 25 di December na edad di 53 aña.
Cantante Mexicano, Juan Gabriel a fayece 28 di Augustus na edad di 60 aña.
19 di 22 hungadnan di Chapecoense team di futbol di Brazil, como tambe miembronan technico y di directiva, a fayece den un accidente aereo cerca di Medellin riba 28 di November.
Ruben Aguirre, conoci den su rol manera Profesor Jirafales den El Chavo del 8, a fayece cu 82 aña di edad riba 12 di Juni.
Actor Alan Thicke a fayece riba 13 di December cu 69 aña.
Actor Britanico Alan Rickman a fayece riba 14 di Januari cu 69 aña di edad.
Musico David Bowie a fayece riba 10 di Januari cu 69 aña di edad.
Maurice White, lider di banda Earth, Wind & Fire a fayece cu 74 aña di edad riba 4 di Februari.
Luchador Joan Laurer, conoci manera Chyna, a fayece riba 20 di April cu 45 aña di edad.
Musico Mericano Prince a muri na Minessota riba 21 di April cu 57 aña di edad. Causa di morto tabata overdosis di opioide fentanyl.
Boxeado legendario Muhammad Ali a fayece riba 3 di Juni cu 74 aña di edad.
Actor Gene Wilder a fayece riba 29 di Augustus cu 83 aña di edad.
Compositor Canades Leonard Cohen a fayece cu 82 aña di edad riba 10 di November.
Ex astronaut John Glenn a fayece cu 95 aña di edad riba 8 di December.
Actor veterano, Abe Vigoda, a fayece cu 94 aña di edad riba 26 di Januari.
Actor Anton Yelchin a fayece 19 di Juni cu 27 aña.
Doris Roberts, famoso pa su rol den ‘Everybody Loves Raymond’ a fayece riba 18 di April cu 90 aña di edad.
Zsa Zsa Gabor, den un foto na 1952. A fayece riba 18 di December cu 99 aña di edad.
Lider Cubano Fidel Castro a fayece na edad di 90 aña riba 25 di November.
